Do e de USA esch de Superbowl e zemlech grossi Sach! Rond 170 Millione lueged dä riese Event. Veli Huushält möched Partys ond laded Lüüt i zom Superbowl luege. Ech be be de Mina iglade gseh. Natürlech wie emmer geds ganz vell Ässe ond z Trenke well mer jo söscht wörd verhongere oder verdorschtet.. Alli Erwachsne natürlech a erne Bud Light Bier.
A dem Obe send d Mina ond ech för d 49-ers gseh! Glaubed gar ned wie fescht mer ghoffed hend das sie gwönned. Mer hend ned chönne stell em Sofa hocke. E de erschte Haubzit esch es zemlech offesechtlech gseh das d Ravens gwönned! Sie hend met rond 20 Ponkt gfüehrt, aber noch de Halftime Show wo öbrigens de Börner gseh esch ond för 40 minute d Liechter usegheit send, send die Cheib vou zrog cho ond s Speli hed mega knapp gäändet. 34 - 31 hend leider d 49-ers vo San Francisco verlore gäge d Ravens vo Baltimore.
Ond öbrigens de bescht esch jo no.
Die beide Head Coaches send Brüedere! Wie mer ofem obere Beld secher sehr guet erkönne cha. Nei ke Zwilling. De Jönger Brüeder hed met de Ravens schlossändlech s Renne gmacht. Hoffentlech geds etz ke Familie Chrieg..
Au bekannt för de Superbowl esch das em Fernseh di beachte Werbige laufet. Well natürlech so vell Lüt e dem Momänt zuelueged. Ond tatsächlech send es paar zemlech loschtig ond super gseh. Die meischte send Autos, Chips, M&Ms oder BIER.
Ah jo ond för alli wo gärn Felme lueged ech wördi empfähle "The blind Side" met de Sandra Bullok z luege es esch en echti Gschecht ond es handled om en Speler vo de Ravens.. Michael Oher en Lineman. Dem gönnis rechtig das er gwonne hed. Aber ebbe lueged de Felm eifach. Lohnt sech!!
Min erscht Super Bowl e min Läbe ond es hed mer super gfonde au wenns öber 4h duret hed.
Ha scho met mim Dad abgmacht das mer das ab etz lueged egau was chond. Ghört etz eifah dezue.
Half Time Show Beyonce
Ravens Quarterback
Bye Bye Guys..
Kiss Stef
Keine Kommentare:
Kommentar veröffentlichen