Snow Day

Entlech entlech hend au mer mou wäge Schnee ke Schuel gha. Ech ha höt wörklech ke Loscht gha ed d Schuel z go ond de heds gheisse das es ke Schuel seg. So beni weder es bett gschlöpft ond e rondi gschlofe.. Nochhere hani no en TV-Serie luege Nommi gmacht... Aber met de Zit esch mer das chli langwillig worde ond ech ha mösse a die frösch Loft. D Mina ond ech hend abgmacht em Lädeli hend eus chli Süesses kauft ond send de zo ere hei nochemene chline Walk a de frösche Loft. Das dot so guet mou dosse z si ond ned vorem fernseh oder eso..

Mängisch hauti vou ned us eifach so nüd z mache ond drom hend d Mina ond ech beschlosse das mer etz vell meh au onder de Woche zämme möched. Mini Gaschteltere hend au vou nüd degäge wenn mer au mou amene Mettwoche oder Donnschtig benenand schloft.

Ech be wörklech sehr froh das ech d Mina ha ond das ech mech au so guet met erere Gaschtfamilie verstoh. Weisch mini Gascht Eltere send jo vou locker ond nett, aber eifach wörklech chli langwilligi mossi säge. Sie lueged jede Tag eifach nome Fernseh ond de weissi vou ned öbi etz met ehne sell eifach us aschtand met luege oder cha e mis Zemmer chl go relaxe.

Etz bruchi eifach mou en Pause vo Winifred. S ängt mi eifach extrem i ond ech schätzes jedes mou meeeega, wenn mer mou of ne Trip of Billings oder so gönd.

Aber so leri doch eifach mou wie guet echs doch e de Schwiz ha ond s Läbe esch haut ned emmer eifach ond das esch guet so! Macht mi nome stärcher.

Morn werde mer weder Schule ha ond s Basketball Team hed es Speli en Turner. Was öbbe 3-4 Stond Fahrt entfernt esch. Gueter Glöck mönd mer Manager ned metgo ond so chani en schöne Sleep Over met de Mina mache. Mer hend höt zämme en TV-Serie zämme agfange ond die wärde mer de morn schön kuschelig zämme luege. Entlech mou ke Basketball. Super Sach! Am Samschtig esch natürlech weder.. Aber en Winifred. Gäge Indianers. 

Ond an Sonntig esch SUPER BOWL. (Football) Det beni be de Mina iglade.. S werd Football gluegt ond wahrschindlech weder emou vell gässe.

Yea, Montana live

Coiffeur Salon ond em obere Stock Apartments zom vermiete

Almost 6 Months

BPA Metglieder

Ech chas selber ned glaube aber ech be etze scho fascht 6 Mönet wäg vo deheime. Ech ha mis schöne, kuschlige deheime verloh ond mech of es grosses Abenteuer begä.
Etz schints scho fascht normal z si so wit wäg z läbe vo de Schwiz. Logischerwis vermess ech vell Sachene vo deheime wie mini Familie, Frönd, Kollege oder au ganz wechtig s Ässe. Of e langi Zit use esch s amerikanische Ässe eifach langwillig ond eifach mega ongsond.
Aber ech bereues ke Augebleck das ech dä Schrett gmacht han. Es lehrt mech so enorm vell ond ech werd en stärcheri Persöndlechkeit.

S loschtige esch ame, denn wenn gar nüd spezielle erwatrisch wie amen normale Basketball Speli en Winnet (en Ort) werds de ame glich mega super. Das Speli esch am Samschtig Obe gseh ond mer hend leider haushoch verlore. Winnett / Grassrange esch ebe s beschte Team momentan e eusem District. Noch dem Verloscht semmer chli ene Gang go hocke d Mina ond ech ond pläuderlet ond de chond plätzlech es Mäitschi ond frogt ob mer Ustuschschüeler send. Sie esch au eini gseh! Das esch emmer so super, wenn mer weder neui Ustuschschüeler vo andere Länder trefft. Sie esch us Abersaijan.
Sie heds nochli spezieller troffe denn mer en Winifred. Winnett esch öbbe glich gross, aber sie esch di einizg Ustuschschüelerin em ganze Dorf. Drom hed si au so mega freud gha eus z gseh..

Noch wie vor esches tip top done obwohl ech mängisch am liebschte us dem Dorf usechäm. D Deli gheit eim ame fascht ofe Chopf met emmer de gliche Lüt om eim ome.
Aber ech gwöhn mech emmer me a das ond ech gniesse d Zit mou ohni Schuel Stress ond nüd sehr.
E echli me als 2 Woche flüg sch of Hawaii ond of das freu sch mech riesig. So god d Zit au scho vell schneller ome.

Mini liebe
E 4 Mönet beni zrog!


http://billingsgazette.com/sports/high-school/blogs/gazprepsports/basketball/first-impressions-roy-winifred-boys-girls-beat-big-sandy/article_bc665dbe-67ed-11e2-86d9-0019bb2963f4.html

BPA - Business Professionals of America

 Entlech semmer mou weder chli us Winifred usecho. Scho am Sonntig Nommitag semmer losgange of Great Falls, well d Wettbewerbe am Morge früeh agfange hend.
Em BPA chasch di för verschednegi Weebewerbe amelde ond de gosch go teschts absolviere, oder du wersch vo Rechter bewärtet. En Great Falls hemmer Zit becho chli go shoppe! Endlech weder mou onder Lüt! D Mall en Billing gfaut mer aber scho vell besser mossi säge. Great Falls Mall esch ned e so gross ond mer hends au zemli schnell gseh gha.
Metemene riese Honger semmer es Boston's gange wo mer hend chönne es zahlts Znachtässe lo bstelle.. Wemmer of Trips gönd wie das oder au Sport Events wie d Tournaments werd e allne ame s Znacht zahlt wasi mega lieb fende.
So hani mer e mega feine Ceasar Salat ond e Limonade bstellt. Well es mega vell gseh esch ond echs schad gfonde hät so hani s erschte mol mis Ässe metheigno! Das fendi eigendlech wörklech super done, wenn nömme magsch abers mega gärn gha hesch chasches eifach met hei nä.
Em Hotel acho send die meischte go schwemme.. Ech has gmüetlech gno ond es düschi gno ond wo de die andere zwee Zemergnosse (Mina ond Bodil) weder zrog cho send semmer schnell ed Tankstell näbem Hotel om eus en Nudlesoppe go chaufe. Schön ikuschlet em Bett hemmer die gässe ond Fernseh gluegt.

Belder vo eusem Shopping Trip

Mina ond ech em Boston's in Great Falls

Am nöchschte Morge hemmer mösse am 6 ufstoh ond go Zmorge näh. 

Natürlech semmer ned mega frpeh es Bett so esches zemlech schwerig gseh zom ufstoh.. Aber nochemene Kaffi ond es paar Waffle gseds au scho besser us. Nochemen Groppe Foti vo allne 14äne hemmer eus zo einere vo de Great Falls High School begä. Ech moss scho säge ech be gradechli baff gseh won ech so en riese Schuel gseh han. Ech meine do en Winifred könnsch jede Ruum oswändig ond för die Schuel hesch en Plan brucht das ergendwie druschonsch.

Am Ändi vom Tag send no d Awards gseh ond es usecho öb öbbis gwonne hesch ond zo de State Competition chasch go. 

Ond tatsächlich chan ECH go! Ech ha eifach för Fun en open tesch gmacht wo mer sech ned hed mösse amäude ond ha de 10. Platz gmacht.. Ech ha eifach mou so us mim Wösse gantwortet ond mech platziert was guet esch e dere Kategorie, well Open Tescht möched mega vell wöu sie offe send ond mer sech vorhäre ned moss amäude. So beni zemlech stouz of mech.. I AM GOING TO STATE! :)

Also goni em Desktop Publishing Advanced.. Dete esches zemlech Glöck gseh, well ech komplett ke ahnig gha ha.. Mer hends nie e de Schuel gha, aber wells onder 20 Lüt dete gseh send hend eifach alli chönne go. Hani super gfonde.

Jetzte mossi mi eifach guet vorbereite dasi vellecht dete no öbbis cha gwönne. Das esch März en Billings för 3 Täg. Ond das esch e grösseri Sach.. Schomol es send drü Täg, di beschte vom Staat send dete ond mer hend no en BPA Dance dete. Es heisst es seg sogar besser als Prom..

Beni jo mou gspannt.

KISS Steph

Civil War Live Museum

Sett knapp 2 Woche hemmer em Fach Amerikanische Gschecht euses live Museum afo probe. Jede vo eis 13 Schüeler hed sech en bekannti Persönlichkeit usgsuecht ond en Text zämmegstellt was mer möchtid denn voukomme frei ond met bewägige säge.

Höt morge semmer alli vor Schuelbegenn mösse dete si zom Schmenke ond Koschtüm alegge.

Eusi Gschechts Lehrerin hed das ganze zemlech ernscht gno ond mer möissed das super mache.. 

Mer hend 4 Dorchgänge gmacht ond schlossändlech heds di ganz Schuel gseh. Aber s kuule esch das mer de ganz Morge ke Schuel gha hend ond noch dem ganze Doughnuts becho hend..

Ech be d Mary Andd Todd Lincoln gseh.

Eigendlech heds wörklech Spass gmacht aber 4 Dorchgänge send eifach so lang gange ond du hesch mega ruig mösse si, well mer jo en Art Wachsfigure send.

Be etz aber froh das es verbi esch, well es hed mech chli gstresst met all dem Text lere ond ufgregt beni gseh. Öbbis go verzellle wo du sättsch erläbt ha ond du mosch es öberzügen öberbrenge esch ned so eifach. Aber nochhere beni sehr stouz of mech gseh. Eifach das guete Gfühl noch dem öbbis änne brocht hesch.. Well die Chend send wörklech derekt vor der gstande ond hend dech berüert das du hesch chönne afo. Ech has eifach e minere version verzellt ond vellecht för es paar lacher gsorgt..

Alles e allem es super Projekt!

CIVIL WAR TIME!

Mini zwee süesse Chäfer

Do beni grad mini Gschecht am verzelle ond ha mösse lache, well ech de Lee (Abraham Lincoln) min wonderschön Ehemann gnennt ha.

Er verzellt sini Gschecht. Us de Töre hende dra sprengt nochhere de Tucker use ond werd Abraham Lincoln erschiesse metere Spelzüg Pistole..

Krankenschwestern ond e Spion

Hamilton and Burr emene Kampf

Ulysses S. Grant e sim Büro

Päcklis ond bescht Speler vom Staat

Woni heicho ben esch of de Stäge zo mim Zemmer das super Päckli gläge.

Es riese dankeschön ad Familie Walliser. Ech ha mech wörklech fescht gfreut. Päckli z becho ghört eigendlech scho zo eim vo mine gröschte Hobbies mossi säge. Drom freui mi emmer bsonders wenn weder öbbis en Winifred itrefft.

Fendes jo super das er mer alli Süesses schecked, aber glaubed mer so es Zwiback oder eso wörds au mou tue. :)

Ond etz chond jo di kulschti Nochrecht. Ha selber mega mega freud gha wonis ghört han.
Er mönd de onti stehendi Lenk go aluege noch dem er di folgende Zeile gläse hend. Hoffentlech fonktioniert..
En Speler us eusem Roy-Winifred Outlaws Team. Chad Kananen werd das Johr zemlech secher uszeichnet för de "BESCHT SPELER VOM GANZE STAAT MONTANA". Noch 10 Johr chond die Uszeichnig weder en Speler öbber vo de Klass C. Was meint vonere zemlech chline Schuel. Mer send so stouz of ehn. Ha scho emmer gseh das er wörklech mega talentier esch!
Wenn er spellt hed er eifach so vell Kontroll öber de Ball.. Spöut scho fascht wie en Schwarze.
Ond em Link setti de Video Bitrag vo geschter Obe si. Bes etz hend eusi Jungs no kes Spel verlore, denn ned nor är au di andere send pretty amazing Players.

http://www.krtv.com/videoplayer/?video_id=19726&categories=19

Dies und Das

Hallo meine Freunde in der Schweiz
Weder en witeri Woche e mim Ustuschjohr esch verbi grauscht wie em Flog,
Es god langsam wörklech vell vell z schnell.. Es god nöcher zue zo Hawaii ond ech freue mech wörklech fescht druf. Entlech weder mou Lüt z gseh wo mer scho länger könnt ond wo au dini Landessproch spräched. För die wos nonig wössed.. Ech treffe en Hawaii zwöi Frönde vo deheime. D Anja Kolar ond de Lukas Heller ond no es paar woni em Camp en New York könneglehrt gha han.
Das werd en onvergässlechi Woche.. Entlech mou us dem chline dorf use.

Wie öbbe jede Sonntig doni eifach mega vell mou nochenand skype ond ässe ond omehänge.
Eigendlech machi nie grosses a Sonntige.

Basketball Saison esch vou em Gang ond jedi Woche send so 2-3 Speli.

Well sie em ganze 4 Mannschafte hend dured das ganze emmer so mega lang. Da alli 3 Ustuschschüellerinne Manager send möm mer au emmer debi si so nemmt Basketball momentan e grosse Teil vo de Freizeit i. 

Aber well söscht jo au ned so vell chasch mache chond das eus ganz rächt!

Bodi ond ech hend es chlises Fotoshooting gha..

En Montana esches brutal chaut grad! ab etze eschs emer om di -20 grad Celsius.

Brr.. -20 Grad Celsius

RAGUSA!

Bodi hed mer mini Hoor gmacht

Nöchscht Wochenänd god s ganze BPA Team of Great Falls a Wettkämpf.

Mer wärde am Sonntig abfahre, dass mer euse schlof hend, well d Wettkämpf am Mäntig Morge früeh afönd. Ha gseh das mer no ergendwo emene Pool chönd go schwemme.. Wahrschindlech em hotel mou luege. Freu mech mou us Winifred use chönne z go.

Em BPA lersch eigendlech chli alles öber Wertschaft ond wählsch e paar Sache us wo du a verschednegie Teschts gosch... Je noch dem öb du guet besch oder ned chasch ad State Competition of Billings ond en Award gwönne.

Das send mini Kategorie woni teschtet werde.

Ice Fishing

S erscht mol em Läbe han ech gfeschet. Hät das mou je öbber denkt das ech gang go fesche..

Eigendlech hend d Mina ond ech höt morge öberhaupt ned gwösst öb mer öberhaupt usem Bett usewend, aber de hemmer eus ufgrafft, send go feini Waffle ässe ond Kaffi trenke ond de hed au scho d Lorna (Freds Gaschtmami) hed aglüte das si am 1 wörde los go fesche..

Ond au no de Mina ere Gaschtvater hed eus e schopf gä. Well es wördi sech wörklech lohne ond mer sette onbedengt go. Ond es esch wörklech de oberhammer worde..

Mer hend chli ossedra vo dem chline Seeli ghaute ond hend d Löcher em Is gmacht.

Ech ha so vell Spass gha ond ha em ganze 3 fesch gfange! Ech ha das nonie gmacht ond ha am meischte gha. Do beni aso scho grad chli stouz gsi. D Mina hed 2 gfange, ond de Jorden eine.. De Fred hed sine weder frei gloh ond de Simon dä arm Cheib hed eifach nüd gfange.

De Simon ganz lengs trurig well er nüd gfange hed, ech met mine 3 gfange Fesch, d Mina, de Jorden am de Fesch ässe ond de Fred schön voredra am posiere.

Wells mega chaut worde esch dör de Wend hemmer noch guet 6 gfange Fesch schloss gmacht ond eus ofe heiwäg begä.

D Mina hed mer denne be ere deheime zeigt wie mer en Fesch dot ufschnide ond d Enereie usenäh.

Es esch betzli grusig gsi, aber ha mi zemlech schnell as Bluet ond Eingeweide gwöhnt :)

Mer wärded de Fesch no einisch die Woche ässe.

Ah öbrigens d Arte vo de Fesch send: Rainbow Trout and Canaloupe.. Vo jedere Sorte hemmer 3 Stöck gha.

Chrank

Schuel wörd jo weder afo..
Aber mer gods grad ned eso guet ond drom blibi deheime. Ech be komischerwis geschter Obe chrank worde ond ha mösse e de Nacht erbräche. Jetzt leggi voukomme met dem Chräft am endi em Bett.. Ha ebbe söscht scho en Wenter Depression, well eifach ned vell grosses chasch mache ond jede Tag chli glich ablauft.
Ech frog mech eifach was mech chrank gmacht hed..

Silväschter mou anderscht

Well mer zwee eus scho denkt hend das Selväschter e ned speziell esch done hem mer zwee haut euse eigete Spass gha ond hend eri neu Feschauglense usprobiert. Das macht no zemlech super kuli Belder.

Sogar dosse semmer de Mond go fötele ond chli go omelaufe befor mer de zom Jorden gange send.

Cha scho mou säge das es ganz anderscht esch aus deheime.

Kei schön Chleider wärde agleit, gässe hani Pizza zom Znacht, ond vo Führwärk hani scho grad gar nüd meterläbt.

Wenni ganz ehrlech ben.. Mech hed de Neujohrsafang ned speziell donkt donkt done... Wörklech schad das mer genau nome em Basement vom Jorden ghocket hend.. Chli Felm gluegt, es Speli gspellt ond de schnell em Fernseh de Ball Drop en NY gluegt.

Alles e allem zemlech en Selväschter Reinfall, wenn echs met de heims vergliche wos wörklii mega kuul esch.

Do heds ned gross öber entressiert öbs etz es neus Johr gstartet hed oder ned. Aber jo esch glich no e wetzige Obe worde. 

Es esch no en Ustuschschüeler vo legscht Johr done gseh. Er esch zrogcho vo Schwede om Winifredt z bsueche...

Kalispell

Andere andere zwee Täg hends met mer au no züg onterno.
Do chond de no d Tochter vom Dennis dezue. D Nicole. Sie esch e de 4. Oberstufe ond wörklech e mega nätti. Sie hed vou d Lischte gmacht was si met mer chöiged go mache..
Mer send es Kino gange go "The Guilt Trip" go luege. Ech ha tatsächlech mou weder es grosses Kino vo nöchem gseh wo om di 12 Felme uffüehrt.
Was ech super fende a de amerikanische Kinos: Die hend ke Pause, ke feschti Setzplätz, ond de Pris esch öbbe d Höufti. Chönnti mi glatt dra gwöhne.

Jo go shoppe semmer au!

Ech ha secher scho meh als e Monet ke Mall me vo ehne gseh. Drom ha ech mech wi es chlises Chend druf gfreut gha. Vell hani de aber ned kauft.. Ech bevorzoge emfau Internet Shopping scho fascht besser.. Well dete fendsch öbbe alles was dis Herz begehrt.

Aber natürlech fäuht mers shoppe scho ame chli en Winifred.

Wo mer e de Mall fertig gseh send, semmer of d Idee cho mer chönntet jo hei go es Dessert mache.

So semmer alli Zuetat go boschtet ond heigfahre. D Nicole esch gfahre ond sie esch em alter vo minere Schwöschter.

Jo das wörd mer angscht mache, wenn mini chli Schwöschter wörd mech e de Gägend omefahre..

Sorry Vanessa nome e chline Wetz.

Mer hend Oreo Truffes ond Pfeffermönzschoggitäfelis welle mache.

D Oreo Truffes send eigendlech ofe erscht Schlag zemlech guet usecho aber met de Schoggi schmöuze hemmer so eusi Problem gha.

Zom gueter Glöck hed d Nicole no en äutere Stiefbrüeder. Er esch so om di 26 ond heds de hebrocht eus die Schoggi schmöuze.

Er heds gfühl gha ech sett doch das chönne. Alli Schwizer seged doch guet em Schoggi mache...na klar doch hani mer nome dänkt ond gschmonzlet.

Oreo Truffes

Peppermint Chocolate

Trip to Kalispell and White Fish

Do hed mech de Richard jo tatsächlech metgno of en Trip e osserscht Egge vo Montana. Ond ech meine wörklech osserscht Egge, well mer om di 7h Fahrtzit bruchet hend för nome ei wäg.
D jolene ond de jeff hend de naütlech ned döffe fähle ond so semmer am legschte Donnschtig am 8.00 am morge losgfahre. Ha mi wonderbar met Dechi, Chössi, Ipod, Buech ond Setzheizig beschattet ond so hed die Reis för mech chönne starte.

Die ganz Fahrt hani eigendlech nome so haube gschloffe ond zo guet Musig glost. Einisch hemmer en Pause gmacht för os WC ond das mer hend chönne Snacks chaufe. Erstuhnlecherwis esch d Zit wörklech schnell gange ond de semmer au scho bem Hus vom Jeff and Richard sim Cousin Dennis Simac acho.

Die hend eus super empfange ond als erschts semmer grad mou e Berg ufe, ene Apres Ski Bar ähnlechs Restourant met Live Country Musig, Burgers zom ässe, ond veeeell Bier. Do ech jo en Manager ben han ech aber ken Tropfe tronke. Ech ha mech do meh a heissi Schoggi gwändet.

Well eri Tochter a dem Obe ned deheime gseh esch hend sie aber eri Nechte bettet met mer öbbis zmache, was natürlech ned nötig gseh wär. Ech has aber echt mega lieb gfonde.

Am nöchschte Morge eschs ab ond d Ski gange. Mer send 4 Teenager gseh ond send elleige metem Auto ofe Berg gfahre was öbbe 20 Minute brucht. Dalton de ältischt Sohn vo de Familie heds fahre öbberno.

Die hend dete obe es super System met Ski miete ond so esches wörklech zemmlech schnell gange ond de ha ech mine Tagespass ond Rossigniol Ski gha.

De natürlech grad ed Beiz öbbis go ässe. Mer send zwar grad vom Zmorge cho, aber es esch ned so sättigend gseh. Send au nome Doughnuts gsi. 

So hemmer wonderbar ned gsonds Ässe boschtete ond dete chli plöiderlet ond de weder ab of d Pischte.

Det hani de mösse Föteli mache met dene mega Bäum. Es esch eine vo de einizge Ort of de Welt wo si so usgsänd. Met all dere Chöuti ond em Wend..

Ech be wörklech e gueti Fahrerin deheime, aber do hani eifach wörklech Respekt gha vor de Pischtene woni nonie vorhäre befahre ha ond dene neue Ski wo mer eifach ned so passes. Aber das hed mech jo ned chönne dra hendere das mer mega vell Spass zämme gha hend.

(Ond die hend nome Sessulift gha! Das hani so super gfonde. Ech ha die Böguleft ebbe scho ned eso gärn.)

Ond so semmer so om die 3-4h omedüsed ond de hemmer zemlech chaut becho ond send weder heigfahre, aber vorhär hani no schnell mösse em Gift Shop mösse go ahalte..