Christmas Day

De Wiehnachts Tag hed agfange als mech Sonnestrahle vell z früeh ufgweckt hend, aber dör das hani schön gnueg Zit gha zom Skype befor mer denne ed Community Hall gange send zom go ässe..

Mini Gaschteltere send aber vorhäre no ed Chele gange. Was ech aber de ned gmacht ha. Ech be legscht Woche mou gseh ond so beni au mou weder gseh..

Mer hend chli Ässe parat gmacht wo mer hend mösse brenge ond denne semmer gäg die 12i loszottelet zom d Familie go träffe. 

Ech has mer eigendlech vell hektischer ond verwerrender vorgstellt. Aber eigendlech hani wörklech scho vell könnt ond es esch no cheibe loschtig worde.

Ech be am Tesch gseh met mim allerliebschte Gascht Grossmami Fannie, Dillon, de jöngscht Schwöschter vom Jeff wo chli crazy esch, ond es Päärli vo Lewistown wo söscht ergendwie dezueghört. Mer hend es Rote Speli gmacht wo mer hed mösse Wiehnachts Lieder usefende ond natürlech vell vell gässe.

Jede hed chli öbbis brocht ond zom Zmettag bitreit. 

Ech be eigendlech di ganz Zit met em Fannie gseh.. Sie esch wörklech sone härzigi ond liebi.

Great Fannie and little Fannie

Gingerbreadman ond Stärn Guetzli

Jeff ond sini chlinscht Schwöschter Marguerite - Sie esch super

 

Gäge Obe semmer no es Huus vom Fannie. Dete beni aber zemlech müed gseh ond ha nome John Wayne em Ferneh gluegt ond haube gschlofe ofem Sofa.

Das nenn ech mou en relaxte Wiehnachtstag. Ha mer selber eifach voukomme kei Stress gmacht.

Vou öbermüedet ond metemene hueschte, well i baarfuess dosse omegloffe ben.

Big Present

Mine papi hed mer wörklech s beschte Gschänk gmacht of de Wäut!

Aus erschtens hed er mer das ganze Johr möglech gmacht ond deför dank ech ehm mega vell mou ond als zwöitens was de ober hammer esch: 

Ech ha en Flog zo Oslo ond Kopenhagen becho, das ech mini neue liebgwonnige Fröndinne au mou cha go bsueche.

Danke tuusig mou Papi.. Du besch de Bescht!

Christmas Eve

Dör de tag hani met mine liebschte dehei skyped ond eso au es betzli chönne am Wiehnachstfäscht teilnäh. Beidi Sitene hend vonenand d Gschänkli göffnet ond mer hend ei cheibe plausch zämme gha. Do merkt mer au weder wie fescht mer doch d Familie dehei gärn hed ond wie schätze mer alles setti..Ech has wörklech mega gnosse.. Ond es hed au guet do, dass mer weiss das mer jo glich no dezue ghör.

Skype metem beschte Frönd wo mer sech cha wönsche

D Schwizer hend langsam es Bett mösse wo mer langsam afang rechtig Fannie send zom Znacht. Es hed Lasagne Soppe gä. Hani nonie vorhäre gseh oder gschweige defo ghört, aber es esch wörklech zemlech fein gseh. Chorz drufabe hed au scho s Gschänk Ustusche agfange..

Ech ha 2 Päckli becho. Eis vom Robert (Jeff sin Brüeder) wo mech zoge gha hed ond de no eis seperat vom Fannie so härzig. Hani erwähnt das ech jo Little Fannie gnennt werde..

Ech ha es Bobcat Shirt becho, 2 Wiehnachtsornament, Ohrreng, Winnie Puh Socke, ond e kuule Belderrahme metemene Foti denne wo ech am rite ben. S hani u süess gfonde.

Ond em Dillon hani mis Gschänk gä gha, ech glaube ech ha voukomme es schwarze troffe gha. Eh cha wörklech säge ech ha die Wiehnachte voukomme alles r4echtig gmacht was Gschänk abelangt.

Nochhere semmer haut au weder abzottlet zom d Gschenk e eusem Huus no go öffne..

Mer hends gmüetlech gno ond langsam. Sie hend wörklech mega freud gha a mine Gschänk ond das hani super gfonde. Eis vo de Gschänk eschc es Puzzle gseh woni lo mache lo han metemene Beld vo eus troffe.. Oder es anders esch en selber gmachte Pot Holder gseh.

Sie hend mer 2 kuuli Shirt gschänk wo mech emmer a Montana ond d Zit done wärde erennere ond de no e Kaffi Cup das ech entlech au mou en eigete han. 

Ech be wörklech voukomme zfrede met allne Gschänk. Es chönnti gar ned besser si.

Danke a allí wo dezue mitreit hend das ech schöni Wiehnachte gha ha. Of witeri Johr Wienachte!

Ah ond etz mossi schlofe, well de Santa Claus setti jo no öber d nacht cho!

Beni jo mou gspannt öb morn morge mine Soche gföllt werd si.. Ech wönsche allne no wondervolli Fäschttäg ond danke das er emmer mim Blogg so folged.

Oh Tannenbaum..

Die beidi mini Gschänk am uspacke

Maggie am Gschänkli uspacke

Di super Gschänk vo de Jolene ond em Jeff

De Boots hed lieber metem Gschänkpapier gspelt

Gschänk vom Robert

MERRY CHRISTMAS EVERYBODY!!!!!

Legscht Woche befor Weihnachte

Ech chas chum glaube das d Wiehnachte scho vor de Töre stohd ond ech s erschte mou e mim Läbe Wiehnachte ned deheime fire wärde. Moss scho zuegä das mech das etz e de legscht Woche trurig gmacht hed.. Well mer ebbe scho die gwösse Traditione hed ond das eifach plötzlech nömme ome esch..

Ech wott mech au no härzlech be allne bedanke wo mer öbbis of Winifred gscheckt hend. Ech ha mech wörkleh mega giga fescht gfreut dröber. DANKE!!

Doch do mossi mi jetzt eifach dra gwöhne onds eifach glich guet ha.. ech wird wahrschindlech eh mega öberforderet si, well so vell Lüt wärde dete si.

Ond well si so gross esch ziehsch es Los e wem du es Gschänk wersch mache ond das ha ech öbbe vor 2 Täg erfahre das ec hem ne gwösse Dillon Lipp z beschänke ha.. Jo guet er esch wenigschtens no zemlech jong so om di 20 ond de esches nonig eso hert. Etz geb ech ehm en Amazon (Internetshop) Guetschin ond Schwizer Schoggi.

No so es paar Sache wo die Woche vorgfalle send..

Ech verosse chönne eis vo de Häsli föttele. Mönd wösse die hoppled eifach frei ome do e eusem Dorf. Sie wärded aber mängisch vo Kojote verspese.

Am Zischtig eschs Wiehnachtsprogramm vo de Primar Schüeler gseh.. Ech meine das esch e grossi Sach done! D Schuel bestod jo hauptsach us Primarschüeler ond so esch öbbe s ganze Dorf dete erschenne om di Chline go luege ond de Chor/Band.

D Band esch ehrlech gseid ned so de hammer gseh, aber du was wotsch erwate gäu.. Aber de Chor esch vou okei gseh ond was di Chline ufgfüehrt hend esch zockersüess gseh.

Es esch drom gange das 4 Chend a Nordpol gange send ond send dete of de rudolph met de rote Nase, San Clause ond sini Fraue ond witeri Fabelwese atroffe.. Ond zwöschedöre hends de emmer no gsonge. Det hät ech super chönne metsenge, well mer das sett 3 Woche jedi Mathi Stond hend mösse ghöre , well de Musiruum näbedra esch, esches eus scho betz us de Ohre ghänget. 

Aber wörklech alles zämme esch wörklech mega härzig gmacht gseh ond hed mer guet gfalle. Grad drufabe esch de Samichlaus ed Halle cho ond jedes Chend hed chönne of sini Schoss setze sech öbbis wönsche ond hed de no en Samichlaus Sack becho met Nösslis,en Äpfu, ond M&Ms..

Natürlech hend d Bodil ond ech dete ned döffe fähle ond de semmer au agstande das mer hend chönne bem „rechtige“ Samichlaus of d Schoss go höckle.

De Samichlaus hed de tatsächlech grad beidi of d Schoss gno.. Ech glaube er esch betzli öberforderet gseh.

Leider hed d Bodi momentan no s Foti ond drom cha echs ned ufelade. Aber es wird nochträglech einisch nochegleferet.

Samu met French Fries em Mu  

Band

De Samichlaus metenere süesse Bohne of de Schoss ond Miss Santa (alias Cherry, Schuelchöchin)

Am legschte Fritig esches de äntlech sowit gseh, dass de legschti Schuel Tag gseh esch.
Well am vorhärige Tag es Basketball Speli en big Sandy gseh esch, was 2h entfernt esch metem Bus hemmer erscht am 9 ond so met e Stond später mösse e de Schuel si.
Als erschts send alli Highschool Girls ond d Boys speperat e Rüm gange ond jedi Groppe hed de Gschänksustusch gmacht. Jedes Mäitschi hed ebbe mösse es Girls Gschenk poschte zwösche 5 ond 10 dollar ond de hemmer das Speli gmacht wo jede es Los moss zieh ond dete stohd e Nommere droffe.
Je höchere omso besser. So d Person met em 1 cha afo us de Metti voller Gschänkli eis ufmache ond das mou bhaute, aber ab etze cha die nöchscht Person entweder das Gschänk wo en anderi person hed stähle oder es neus Gschänk uftue. Ond jede Gschänk daf nome 2mou gstohle wärde ond nochhere esches secher.
Esch no zemlech loschtig. Ond ha dä schöni Schmockhalter ergatteret.

Nochethäre hemmer es Volleyball Turnierli gha. Es hed 6 verschednegi döregmeschti Teams gä ond de send die gägenand aträtte. Ech ha es zemleh kuuli Groppe gha ond de eschs loschtig gse zom spele. Mini Groppe esch leider scho zemlech gli usegheit. Wenni ehrlech be semmer als aller erschts scho dosse gseh. Ech glaube mer hends eifach alli ned so ernscht gno, hend aber mega vell Spass bem spele gha.. Das esch jo was zählt. So hani eifach alli andere Speli gluegt, chli Sandwich ond Frozen Friut Cup vo de Cafeteria gässes ond de esch de d Schuel au scho fertig gseh am 1.. Rächt easy legscht Schueltag wördi meine.

D Jolene die Gueti hed de d Bodi ond mech of Lewistown gfahre das mer "The Hobbit" hend chönne em Kino go luege. Ech be wi er vellecht wössed e rise Fan vo Herr der Ringe ond drom esches fascht es moss gseh dä go luege.. Ond well er etz di legschte Täg gloffe esch semmer doch grad a dem Fritig dä go luege. Es esch ou bellig s Kino em Verglech zo deheime. Jede vo eus hed knapp 6Dollar zahlt för d Nommitag Vorstellig..

Mer hend eus de Popcorn kauft ond de hesch chönne dis eigete Aroma ussueche ond dröber streue. Das hani de hammer gfonde!

Mis Fzit zom Felm: Gueti Omsetzig vom Buech (hani gläse), d Zit god mega schnell verbi, ond ech fende kuul das etz emou me fiziert esch of d Zwärge.. Ond ech fende es hed meh loschtigi Szene denne denne e de Herr der Ringe Felme.. Aber öberzüged euch doch säuber ond gönd ne go luege. Ech fend ne super.

yea, es Basketball Game en Roy.

Mer hend s erschte mol es Speli dete gha.. Es esch eigendlech wörklech zemlech wenig Platz det denne, aber erstuhnlecherwis heds vou fonktioniert.

D JV Games send eigendlech ned wörklech eso spannend gseh, aber denne d Varsity Speli.

D Gägner Mannschaft Fraue esch zemlech aggressiv gseh ond hend eusne Speler Elboge es Gsech grammt ond omegschöpft wie nüd. Dere eri Istellig esh wörklech schlemm gseh.

Aber well mer fell besser send ond fair spelled hemmer natürlech de gwonne.

S Beschte Speli sett langem eschs Manne gseh.

Ech glaube mer hend eine vom beschte Speller e de Kategorie C em ganze Staat! Sin name esch Chad Kananen, esch öbbe 18ni ond esch en Senior en Roy.

Ehm zuezluege esch eifach nome FUN! Er esch gross, athletisch ond cha de Ball dunken. Was so vell meint das er zemlech am Basketball Chorb cha hänge. Ond genau so en Show heder geschter ännegleid. Das esch super gsi. Do hend d Gägner schön gluegt.

Mer hend schlossändlech 96 zo 63 gwonne!!!

Backe backe Guetzli..

Es esch weder mou Zit worde för mech öbbis produktiv z mache..

So hani mer denkt machi doch mol di guete alte Mäiländerlis. Ond ehrlechgseid sends eigendlech zemlech guet usecho! Werde emmer besser em bache ;)

Ond morn brengi de wahrschindlech es paar em Jeff sim Mami verbi. De hed si secher mega freud.

  

Ibleck e Dezember

Am Mäntig esch eis vo de erschte normale Basketball Speli gseh ond zwar en Winifred gäge di schlechtischte vo Lewistown. Normalerwis spelle mer gar ned gäge si, well sie e vell grösseri Schuel send ond so ed Katogorie B spelled. D Katogerie hängt ab vo de Anzahl Schüeler en Schuel hed. Ond mer send em tüfschte das heisst em C. So Billings ond Great Falls wäred de em AA.

Ond so hed euses Buebe ond Mäitli Team gäge die gspelt ond well mer jo Manager send, sem mer au awesend gseh ond hend emmer e de Time Outs d Wasserfläschene brocht, si weder ufgföllt on dehne s Tüechli zom Schwetz potze änne greicht. Was mer ned gwösst hend ond etz erfahre hend, dass mer as Manager emmer mönd alli Uniforme zämme legge veruume, dräckigi Tüechli wäsche ond Tabelle füehre w$r am beschte em Training em Free throws esch. Do hed mer jo rechtig öbbis ztue.

Aber etz zrog zom Mäntig Obe. Well mer gäge Lewistown gspelt hend esch de Schwedisch Ustuschschüeler dete gseh met sinere Familie. Mer send of de gägenöberleggende Site ghocket ond ehn beobachtet.. Ond de seid d Bodil so us spass, das mer doch chönntet eus go vorstelle. Aber do ech das ne das en Wetz gseh ha ond ehner as en ufforderig ha ech si grad met mer metzoge ond send gradus of ehn zuegstüret.

Bee hm acho hemmer eus schön vorgstellt ond er hed cheibe freud gha eus z könnelehre. Sini Gaschteötere send öbrigens mega lieb. Ech ha chli met de Gaschtmuetter gredt ond sie hed mer verzellt das si ursprönglech en LA gwohnt hed aber de ere Maa könneglehrt hed ond of Montana gwanderet esch, aber eri Töchtere wohned en San Francisco ond die ander emmer no en LA. Ond das ere Winifred jo gar chli vorchöimi ond das si ned so verstöigi wieso mer Ustuschschüeler a sone Ort döig, aber det ha ech ere grad mösse erkläre das mer ned so Vorurteil döif ha ond das es wondervoll segi do en Ustuschschüeler chönne z si. Nome scho das mer 6 defo send... en Lewistown nemmeds nämlech e de ganze Schuel nome 2. Die andere dete esch en Dütschi hani no erfahre..

Euse Area Repräsentativ esch ebbe au em Simon (Schwed) sine ond anshienend au e ere.

Wells mer so super gha hend, hed d gaschtmuetter doch grad no vorgschlage das mer mou selled of Lewistown cho go bowle met ehne ond de no öbbis ässe.

Dot hemmer natürlech vou zuegseid.. etz mömmer nome no es Datom dezue fende.

Am Zischtig esch weder emole Picture Day agseid gseh ond das mol sends Klasse Fotene, BPA (Business Groppe) Fotene ond Basketball Fotene gseh..

So hed sech jede schön flott agleit ond chli usepötzled.

EM Basketball semmer sehr schön as Manager droffe. Es esch es riese Groppe Foti worde well JV ond Varsity zämme droffe send ond das öbbe 16 Girls send plus Coachs ond plus eus 5 Manager..

Höt noch de Schuel heds gheisse Fotoshoting met Jolene ond Jeff..

Zom Glöck esch grad ideals Wätter för das gseh. So hemmer schnell es paat Fötelis gmacht för d Wiehnachtscharte. Do macht öbbe jedi Familie Wiehnachts Foti Chartene ond verscheckt die e allne Verwante ond de Familie.

Ah de hond hed leider ned wörklech welle äneha.. Sie esch ebbe mängisch e chline Schüche Cheib...

OND ZOM SCHLOSS

Ech ha mini Pyjama Hose vor es paar Täg chönne beende ond sie send wörklech super super guet usecho.. Überzüged euch selber.