Billings

Es wonderbars Wochenänd god au scho langsam weder z Änd. Leider!
Wie eigendlech praktisch jedes Wochenänd hemmer au weder es Speli gha ond zwar en Grass Range.
Ond well ech de Spray Chäs ned cha heischekke wells chönti explodiere em Flogi mossi ne jo säuber ässe. Aber ehrlech gseid escher zemlech guet met Crackers.

Grad aschliessend nochem Match womer sehr knapp gwonne hend semmer rechtig BIllings abgfahre, mer hends bessere Team nömme chönne luege, well mer jedi Minute en Billings zom shoppe hend mösse uskoschte ond d Läde scho zuemöched am 9 am Obe.

So hemmer Power Shopping gmacht ond ech glaube ech ha nonie e so chorzer Zit so vell Züg ikauft! Do mosch haut d Möglechkeit usnötze wenn mou chasch go shoppe.

En Ugly Sweater för d Spirit Week hani emu gfonde, ond glaubed mer. Er esch wörklech zemlech wüescht! 

Nochdem semmer enes Hotel gange hend eusi neue Pijamas azoge ond gueti Maskene gmacht.

Schoggi Maske esch de Börner, aber mer moss ufpasse das mer si ned no esst.

D Gaschtschöschter vo de Mina ond em Hendergrond eri Gaschtmuetter wo

 sooo lieb esch.

Die vier Musketiere

Erscht Schrett voner Maske ufträge; Indianer Look montiere!

4 guet ussehendi Maske Trägerinne. Ech weiss be de Bodi gseds eher us als ob si mega wörd schwetze, aber si hed usversehe en Mannemaske kauft.

Glauber mer es esch so rechtig loschtig gseh ond ha mi mega Wohlgfühlt.
Loschtig esch au gseh, dass mer em Hotel agäh hend das es 2 em Zemmer send das mer weniger mönd zahle, aber mer hend no es Zuesätzlechs Chössi brucht ond de hemmer eus vou versteckt vor dere Arbeiterin ond so heds niemer gmerkt.
Obwohl ech denke dör euses Gelächter hend die das scho ergendwie tschegget.



Ond am nöchschte Tag semmer em IHOP (International House of Pancakes) go Zmorgeässe was natürlech mega mega fein gseh esch.
Ech ha mer Chocolate Chocolate Chip Pancakes, Röschti, Eier, Bacon ond Orangesaft bstellt. Er chönd euch glaub ned vorstelle wie guet das gseh esch. Ech meine mer send au extra mega früeh ufgstande das mer dete no chönd go Zmorge nä bevor mer de witer möched met betzli Shoppe ond de 3h Heifahrt.

IHOP ech chas nome empfähle wenner gärn Pancakes, Omelette, Frenchtoast oder Waffle hend

Yummi!!

Guete Metenand!

Jep genau so gsed es perfekte Zmorge us.

Wiemer em ondere Beld guet erkönne cha hani wörklech mega zuegschlage!
Ech ha sogar es Halloween Koschtüm gfonde ond ganz vell Volleyball Shirts!!!
Shoppe chamer definitiv besser en Amerika.

Decoration

Dekoriere vo de Gäng för e Homecoming

Jo mine Ballon esch en Brut!

Outlaws Power

Rechtig guet send eusi Jägglis worde!

Send jo au schliesslech au ned grad mega bellig gseh. Aber wenn mer die ahed fühlt mer sech so rechtig professionell. 

Geschter hemmer es Poster gmacht för euses Team metem Wort Love troffe, well för eus alli Volleyball wörklech vell bedütet. Ond alli hend eri Nommere ond de Name ännegschrebe.

Well ech jo so könschtlerisch begabt ben hends mi gfrogt öb ech Love chöing schriebe en Schnürlischreft. Ech weiss ned was dro mega könschtlerisch esch, aber fend süess wenn si mini könschtlerische Aktivitäte of de Mathi Blätter entdeckt hend.

Front

Back

So ond do ech jo de Zahnsteinli Trend noch Winifred brocht ha hani etz schos erschte benere Kollegin mondiert.

Aber so wie si mer äbe no metteilt hed esches scho weder abgeheit.

Aber ehrlech gseid setti die cheibe doch erscht am Schloss go montiere e allne, als es guets Erenerigsstöck vo mer. 

Taya and me

Nöchscht Woche esch d Homecoming Spirit Week!

Jede Tag hemer es Thema ond mer dönd eus dezue alegge.. Am Samschtig esch de Homecoming ond es esch es Heim Football ond es Heim Volleyball Game. Au ech werd hoffentlech chönne spele.

Ond de werd no Homecoming König/Königin vo de Seniors gwählt ond de Prenz/Prenzässin vo de Juniors.. Be jo mou gspannt! Mini Vermuetigi esch, dass de Prenz de Samu werd ond d Prenzässin d Bodil ond denne de König de Luke (well er de einizg Ma esch be de Seniors) ond Königin werd d Shelby :) Mou luege öb das iträffe werd!

Morn fömer a d Gäng z dekoriere ond s Züg vorbereite. 

Höt beni no met de Mina of d Poscht, well si hed welle luege öb s Päckli vo erem Mami cho esch. Aber nüd esch gseh, deför esch s Päckli vo mine Grossäutere acho för mine Gebori.

Danke danke danke danke vell mou!

So vell Ässe wie er mer schecked chan ech doch gar ned elleige ässe :)

Aber esch schön chli Heimat be mer z ha, au wenns nome Ässe esch.

Frässpäckli

Just something

Wochemenu 24-28 September

Das rote Gebäude esch d Schuel ond lengs devo gsed mer nochli s Football Fäud

Fall starts

Am Samschtig hed eusi Mannschaft zwar kes Speli gha, aber es esch obligatorisch das mer emmer metgönd, well mer jo au zo dem ganze dezue ghöred ond sie au Fans bruche.
Zerscht heds mi eigendlech ned so Loscht gha weder knapp 3h metem Cruiser of Melstone z fahre för eis Speli z luege ond weder zrog. Aber es esch zemlech kuul worde:

Emmer wenn neume es Spel stattfendet heds e Kiosk wommer z Ässe (Hamborger,Nachos,Hot Dogs) ond Trenke cha chaufe. Ond dete beni de natürlech he gange. Die Frau wo dete gschaffet hed hed mi de grad gfrogt öb ech en Ustuschschüelerin seg us Dütschand, well ech heigi dä Akzänt. De hani ere gseid dasi vo de Schwiz chäm, aber au Dütsch chöingi rede. Druf abe seid si mer doch, dass eri Ustuschschüelerin us Dütschland seg ond si si mer onbedengt wott vorstelle ond so hani d Michaela könneglehrt. Es esch so loschtig das mer eigendlech ke Wort Dütsch gredt hend sondern Englisch, aber mer hend vor mou z skype denn aber of Dütsch. Sie wohnt ebbe en Melstone, die Stadt esch eigendlech öbbe glich gross wie Winifred ond a erere Schuel sends 3 Ustuschschüeler (Germany,Taiwan,Hungary). Si vo Taiwan esch eri Gaschtschwöschter ond si hani au no könneglehrt. Mega e härzigi!
Jo das hed mini Stemmig mega mega ufgwärtet ond ha es riese Höch gha. Endlech mou öbber wo öbbe vo de gliche Region chond ond ned emmer die Skandinavier. Ha die jo scho mega lieb, aber ha eifach mi eifach wohl gfühlt mer de Dütsche. Ond ech werd sie e paar Woche weder träffe, well denne hem mer de Match gäge si en Winifred.

Logischerwis hed eusi Mannschaft de Match gwonne ond mer hend weder chönne hei go. Mer enweschtiered för eis Speli mehreri Stonde, dass moss mer sech mou vorstelle, aber es esch eigendlech no rächt gmüetlech ame em Cruiser wenn mer för sech 2 Setz hed cha metere Dechi kuschele, Musig lose ond läse. De hed mer entlech mou Zit för das. :)

Aber logischerwis esch de Tag nochhere nonig z Änd gseh ond mer send no zomene Felm zom Jorden hei igalde worde. Er mönd wösse d Taya ond Bodil hend de nochhere no be mer öbernachtet.
Aber bevor mer zo ehm gange send hemmer mou es guets Düscheli gno ond omzoge. Ech ha mis super kuule neue Shirt agleid.

cheibe gruselig gäu?

Me, Bodil, Taya

Bevor mer e Felm gluegt hend, hemmer Football gluegt ond eifach chli gredt. Be dem Gspröch chani erfahre, dass sie zerscht mech för en neui Lehrerin ghalte hend wo si mech s erschte mol gseh hend, wäge de Brelle ond ech heig eifach usgseh als wäri öber 20i. Ehm jo ech weiss jo ned, aber ech ha etz ned so s Gfühl.

Em Jorden sis Mami esch de Basketball Coach ond met ere hani dröber gredt wasi sell mache wäge Basketball. Ha ere au so mini Situation gschelderet, dass ech eigendlech nonie gspelt ha rechtig, das es mer ned so gfallt ond ech aber glich wördi gärn es Metgled vom Team wörd si. So hed si mer gsei ech chöing eifach en Manager si ond a jedes Speli metcho, heig aber ke Training. Cha natürli go zueluege aber be eifach ke Speler. Das passt mer also absolut ond dasi grad gar ke Sport meh mache chani emu guet mou eifach go jogge of de Bahn wo jo grad näbe mim Huus esch.

De Felm womer gluegt hend "Limitless". Also ech ha ne Bombe gfonde!

Es esch doch s gröschte en Felm luege schön ikuschlet ofemene Sofa ond dezue no Caramel Popcorn ässe. Chani nome empfähle, dass amene Samschtig Obe mol z mache..

Ond de bescht vom Tag hani jo gfonde dasi metem Taya erem Auto heigfahre ben. Es esch ned e langi Strecki gseh, aber ha glich en Schissfreud gha, dass si mi hed lo fahre.

Am Sonntig zom Zmorge heds de Waffle gä för alli! 

Noch mer das verschlonge hend send de die zwe guete Girls au scho weder heigange ond ech ha mine Skype Nommitag gstarte. Sonntig esch emer so en Skype Tag woni entlech mou Zit för das han.

So gsed s Stefali us wenns mou eifach nüd macht ossert em Bett legge ond trenke

Ond met de Gaschtgschwöschteti hani de no s Fenschter dekoriert em Herbscht-Styl.

Jo langsam Herbschtelets au done ond das gfaut mer mega guet. Die bonte Blätter gsänd wonderschön us. 

konzentriert am schaffe

Herbscht werd iglütet

Sport Picture

Mis Team

Höt hemmer d Sportföteli öbercho wommer legschti lo mache hend!
Sie send wörklech guet worde.
Ech fühle mech mega wohl e eusere Mannschaft mossi säge ond be au mega z frede met minere Position. Ech daf Front and Back Row spele ond be jedes Speli e Stamm Spelerin.
Mer speled au metemene System ond hend es paar Speler wo zom Bispel nome Back oder Front Row spele. Das heisst mängisch hemmer es cheibe gwächsu ofem Fäud.
Ond was au andersch esch done, wenn de Ball ad d Delli hämmerisch e dim eigede Feld dafsch ne witer spele. (Vellecht nome entressant för d Volley Speler onder euch)
Jo ond morn Obe hemmer scho weder es Heim Speli.

Ech be mega am öberlegge wegem Basketball spele. Well d Volley Saison esch ebbe scho em November z änd ond de chond s Basketball för 5 Mönet, aber eigendlech wotti wörklech ned spele, well mer dä Sport erschtens ned gfaut ond zwöitens s normale Training so sträng esch wie em Volleyball s härtischte. Es esch eifach mega krass wie do alles of Sport basiert ond wie vell Zit mer dri inveschtiert. Es esch eifach chli blöd sobaud du ke Sport me spelsch besch eifach chli wie abgsonderet vo de andere, well die jo de emmer Training hend ond Speli a de Wochenänd.
Aber eigendlech beni mer zemlech secher dasi ned werde spele, ech wott eifach mou luege wie die Trainings so abgönd ond de frogi no d Trainerin öb ech eifach söscht cha en Manager cha si. De besch glich es Team entegriert endem met ad Speli gosch, Fötelisch, Felmisch oder söscht eifach aführsch... Das wär ebbe scho guet.
Ond dasi de grad gar ke sport me mache wördi de es Advance PE go (Gwechthebe).

Äh ech be voukomme onsecher!! Aber ech ha jo no es zitli zit zom mer das öberlegge ond de chani de em November witerluege. :)
Wenn er mer ergend en Rotschlag zo mim chline Problemli hend chönd mi emfau jeder zit kontaktiere! Eifach ned öbber Hand, well mer jo do ke Netz hend! :)

Internet Shopping

Entlech send mini Päcklis itroffe!!

E cheibe Huufe esch höt ofem Bett gläge woni heicho ben

De Fröndschaftsreng vo de Mina ond mer

NEUE SCHUHE!

Die Shirts fendi de hammer.. Internetshopping cha genau so guet si.

E öbbe 2 Woche gömmer entlech mou of Billings chli go shoppe! De Mina eres Gaschtmami fahr eus det he. Mer bruched ebbe nochli neui Sache för di chaut Zit ond eventuell för de Homecoming Ball..

17 Years old!

ERSCHT GEBORTSTAG EM OSLAND!
Well höt zemlech s ganze Schuelhus wäg gseh esch ofemene cheibe Trip semmer zemlech wenig gseh ond hend au mega easy Onterrecht gha. Zom Bispel euse Mathi Lehrer hed eus dosse be sim Auto eus de Motor vomene Fahrzüg erklärt, wie mers Öl kontrolliert oder wie mer en Reife wächslet. Ond nochhere semmer no e Gym ond dete hemmer de no Basketball Chörb gworfe.
Ech meine das cha mer ned wörklech e Schueltag nenne!!

Woni heicho ben hani metem Mami es Skype Date Gschänkli uspacke gmacht! Das esch wetzig gseh, aber glichzit ergendwie vou komisch so dörs skype Gebori fiire.. hihi
Danke nomou före härzig Chueche Mami!

Ond danke a alli wo a mine Gebortstag denkt hend! Es hed mi mega gfreut öber alli Nochrechte ond natürlech mega öber die Päckli woni ha döffe en empfang nä!

gueti Läckereie us de guete alte Schwiz!

Das ech ond mis Handy ned chalt bechöme e mim Zemmer! Danke Mami! :)

So es schöns Gschänk vo mine Gaschteltere! 

Süessi Botschaft vo de Paige

Mini Erenerigsegge! Danke a alli wo do bitereid hend!

F'real öbbis vom beschte! Erdbeeri-Banane Smoothie!!!

Ha vorhäre no es mega schöns Gspröchli met de Gascht Grossmuetter gah wärend ech ere Belder vo deheime zeigt han metem neue Gschänk vo mim Schatz! Sie esch so e rechtigi liebi Frau ond ha ere au verzellt wie ech mech gfühlt ha afangs Ustuschjohr ond das es etz super guet seg ond eso.. Jo of jede fau cha mer sie eifach nome gärn ha!

Sweet little girls

Mini chline Gschwöschteti send ebbe scho mega süessi zwe!

Mer send e mim Bett gläge hend Föteli gmacht, Musig glost dezue gsonge ond schöni Prom Chleider em Internet agluegt!

Ah was weniger süess gseh esch vo minere Gaschtschwöschter si hed usversehe mini Memorycharte för d Kamera e Gösu grüert. Das hemmer aber leider z sport gmerkt wo d Lori scho noch Bozeman gange esch ond de Gösel scho entsorgt gseh esch.. Auso mer vermuete emu das si em Gösu esch. D Grossmuetter wo do ufpasst e de zwösche Zit wen d Gaschteltere weg send (bes am Zischitg) hed de ere gschrebe ond sie nemmt mer wahrschindli en neui hei. Ja dumm gelaufen wördi meine!

  

September

Vorzitigi Gebori Gschänkli vo mine Gaschtschwöschtere..

Baschtle met de Gaschtgschwöschteti esch mega loschtig..

S Wochemenu fom 17. September - 21. September

Wasi no cha säge zom Ässe e de Schuel. Wörklech jedes Grecht woni e dene paar Woche gha ha woni done ben esch guet gseh. Sie choched emmer frösch ond es esch eifach mega lecker!!
Dezue chasch emmer en Schoggimelch nä ond das met de Schoggimelch cha mer sech so vorstelle: Wenn mer haut kuuul esch trenk mer zom Ässe Schoggimelch. Am Afang hani schochli müeh gha demet, aber langsam esches rechtig guet worde. Neme sogar 2 ond trenke die andere em Onterrecht!
Mönder au mol probiere.

Home Game

Freitag 14, September

Weder emole es Heimspeli.
Ondd deför heds ganze Team för dä Tag eusi neu Jagge agleid ed Schuel.
D Jaggene send aber nonig ganz fertig, wells fäut no de Name of de Vordersite, ond Outlaws ofem Rögge, aber das settemer eigendlech nöchscht Woche ha.
Mer fühlt sech grad meh professionell wemmer so schöni Jäggli cha träge.

GO HOPE!

Hope, me, Danae

Tanze e de Omkleidekabine. Ganz normal vorem Speli.

Am Obe hemmer des Speli gwonne! Er chönd euch ned vorstelle wie vell Spass das esch do z spele. E dere Sporthalle, met dere spezielle Stemmig ond de kule Dress.
Aschliessend speld emmer s bessere Spel no ond das esch es grössers Deng. Vorhäre werd d Nationalhymne gsonge, jede Speler werd vorgstellt ond s Publikom esch aktiver. Das macht rechtig Spass de zuezluege ond eueses z Team azführe! Au si hend suverän gwonne ond aui hend glöcklech chönne heigo..

D Mina ond ech send zo de Bodil hei go öbernachte! Vellecht ha ech schomou erwähnt das si chli osserhalb wohnt. Öbbe 20minute metem auto!
De e erem Huus hemmer Äss Party gmacht en dem mer en Poulet-Chnoblauch Pizza e Ofe grüehrt hend ond Chips före gholt hend.
Mer hend e rechtig loschtige Obe gha no met erere Gaschtmuetter de Angie. Sie esch e mega kuuli. Ond mer hend so rechtigi Laschafäll gha enem mer ere haut Gschechtli verzellt hend vo Messverstänndnis met de Sproch ond was mer so erläbt hend. Eifach so Ustuschschüeler Gschechte. Ech denke jede könnt de Buchmoskukater vom Lache, genau dä cheib hemmer alli gha...
Vell vo dene gschechtlis handle chli vo mer, well ech die be wo haut ned de Hersch esch e de Sproch ond de brengi emmer onglaublechs Züg ;)
Ei Gschecht wäge mer: Wösseder ech werde emmer agsroche wege mim Zahnsteinli wi das de genau fonktioniere, wieso ech das heig ond blablablaba... Mendeschtens 1 pro Tag.
Ond ech ha doch ned gwösst was Liim heisst gäu, de hanis probiert z beschriebe ond das Wort: "sticky cream" benötzt. Aber wie mer sech cha vorstelle esch das ned wörklech Liim gseh sondern öbbis ganz anders, jede cha sech selber denke was. Dä wos ned schnallet, dem chanis jo es andersmou erchläre, aber das moss etz ned ombedengt si. Sie nämed mech scho gnueg höch met dem! :) :)
Jo ech be mängisch e riese Lachnommere..

Mer send de schlossändlech erscht am 2 em Bett gläge ond send igschlofe. Vorhäre hani no es chorzes Skype Gspröch met mine Eltere gha, aber leider esch d verbendig dete ned grande gsi.

Samschtig 15, September

Ond schoweder esch es Volley Speli. Das mou esches aber en Stanford gsi. Am 12i am Mettag semmer abgfahre, mer send aber vell z früeh dete gse de hemmer no chönne es Football Game luege. Moss säge mer gfaut Football zemleh guet zom luege. Mer wettet scholang mou es Speli gseh vo eusne Jungs, aber mer hend emmer selber es Speli de längeds nie.

Am 5i hemmer de endlech chönne go spele. Au das Speli hemmer gwonne.
Ez send 5 nochenand. GO OUTLAWS!!!

Ofem Heiwäg em Mc Donalds e Hout igleid ond Znacht gässe.