Legislature Trip in Helena

Legscht Zischtig noch de Schuel semmer noch Helena gfahre a de Legislature Trip.

Momentan werd em Capitol of Montana State besproche wege de Wasserrecht around Winifred. Ond drom esch en Helena en Ahörig gseh. Eusi Gschechts Lehrerin hed das no spannendi Sach gfonde för eus go loose ond so send d Juniors and Seniors a dä Trip gange.

Am Zischtig Obe hemmer als erschts em Hotel Super 8 ichecket ond Pizza bstellt. After that semmer ad 10:00PM Kino Vorstellig gange vo The Croods 3D. Mer hend s ganze Kino nome för eus gha ond eifach chöne d Setz uswähle wo mer hend welle. De Föum esch super loschtig ond chani nome witerempfähle.

An nöchschte Morge send mer enes Museum, e ne wonderschöni grossi Kathedrale, ond go Zmetag ässe em Subway. Das alles hed de ganz Morge brucht ond de nochhere esch en Rondgang gseh em Montana State Capitol. So z Säge s Bondeshuus wo all die Entscheid vom Staat gfällt wärde. Aber do en Montana esch das ganze zemlech offe ond du chasch eifach a die Hörige go ond die Senät go luege wenn sie Entscheid fälled. Es esch wörklech e mega Güte Idrock gseh ond mou z gseh wie das so ablauft. Noch ere vell z lange Tour esch die Ahörig gseh. Es paar vo Winifred gseh wo sech bereit gstellt hend e Bitrag z leischte ond e chlini Red vorem Senat z halte. Das esch de aber au öbbe s spannenschte gseh. Es eshc so e lange Tag gseh ond alli send müed gseh.

Esch äbbe glich öbbe e 4 Stond Fahrt det he gseh. Aber alles e allem esches e mega super Trip gseh wo mer Spass ond Schuelischs hed chönne verbende!!

Hanging out with Taya and the Prom Meeting

Dä Samschtig beni wie öblech e mim Zemmer gseh ond ha mini Serie am Computer ghocket. Näbebi em facebook ond de hani denkt etz möchti doch öbbis onternäh, well ech eifach so en onternämigs Drang gha ha. D Taya e Kollegin wo en Town wohnt hed sehr spontan zuegseid ond esch mech deheime metem Auto go abhole. Nome scho wenn mer Foreigners ame vo de Schuel zom Store wend laufe send d Amerikaner vou gschockt: "Was du laufsch!" ond de fahred z dech ame hin ond här. Ha jo total nüd degäge, aber esch schochli öberdrebe, fendeder ned?
D Taya ond ech send e ere Hot Tube ghöcklet.. Dosse esch Schnee gläge ond brutau chaut ond drom esches grad nomou dopplet so guet gseh. Nochhäre hemmer Glace gässe ond eus 2 gueti Felme innezoge. Das nenn ech mou en glongne Samschtig Nommitag. So om di 7 hani denkt ech sett weder emou deheime erschine.. aber well dete e nie öbbis grosse ablauft hani scho weder Plän för de obe gschmided.. Di meischte Kids send das Wochenänd weg gseh ond hend anderi Sache z tue gha ond vo dem her hed ke Party oder ergendöbbis derglich stattgfonde.. So beni eifach use gange metem Fred ond em Simon. D Taya hed eus iglade weder e ere Hot Tube z hocke ond eifach de Obe z gniesse. Das hemmer gmacht ond e totau guete Obe gha. Zom dä gueti Tag abronde hani de no doffe öber Nacht be de Taya schlofe.

Am Sonntig esch es Prom Meeting gseh en Lewistown. Well eusi Schuel so chli esch ond anderi Schuele e eusem District au möche mer de Prom emmer zämme. Es send 10 Dörfer. S Motto vo dem Johr esch: Casino Night. Ech fends es zemlech super Motto ond be scho vou gspannt wie mer das de dönd dekoriere. Jedes Johr dönd d Juniors das ganze Dekoriere e tag gliner ond chönd us de Schuel go för das ond d Sophomores dönd das ganze de weder versorge am Sonntig Morge.
A dem Meeting hemmer eifach mou entschede was mer alles för Sache bruched zom Dekoriere ond welli Schuel för was zueständig werd si.
Weiss ned öb echs schomou erwähnt ha neume, aber de Fred de Ustuschschüeler vo Schwede hed mech för Prom gfogt.. A eusem Prom machsch de Groppefotis met dinere Klass ond dim Date.. Ech freu mecg etz scho mega före Prom. Sech parat mache för e Obe met Kolleginne ond de go ässe met ere grosse Groppe ond eifach mou wonderschön usgseh.. Oders wenigschtens probiere :) SO EXCITED! Etz fohni de wahrschindlech auno afo brüne för Prom.

Ah ond jo sett legschter Woche hemmer agfange s Theater z Probe. Es god om e Psyachtrie ond e Guy fo Winifred hed das Stöck gschrebe. Es esch so loschtig ond ech freu mech etz scho wenn mer das dönd uffüehre. Mer Ustuschschüeler hend ned grossi Part aber das macht eigendlech nüd.. Nome scho debi z si esch so loschtig. Mer hend jede Tag noch de Schuel 1h Prob.. Am 27 April werde mer das uffüehre.

Höt esch weder mou sone Momänt gseh wo ech eifach realisiert ha.. Das nöm vell öbrig esch vo mim Ustuschjohr ond das es eifach scho wonderschön done esch.
All die Fröndschaft woni gmacht ha ond so vell wie ech glachet ha.. Es esch eifach so super ech ch das gar ned beschriebe!!
Winifred esch s beschte wo mer hed chönne passiere glaubes mer!

Ski Day

Entlech esches so wit gseh das au ech weder mou ha chönne of d Ski. Do nemmi au en Chauf das mer am 6 am Morge moss abfahre. Mer send e de nöchi vo Great Falls go skiine.. Well aber ned alli hend welle ski fahre ond das send no recht vell Highschool Chend gseh, hesch chönne go bowle.. was jo ned emou annöchernd so kuul esch wie Ski fahre. So send alli Foreigners ossert d Mina (si esch en Hawaii), Kym,Hope,Randi,Taya, ond d Shelby us de Highschool plus velli Primarschüeler go ski fahre.
Aber befor mer hend chönne ellei omedüse hed mer mösse e nme Lesson go, wells jo glich en Schueltag esch.. De Samu,Fred ond ech hend eus entsched zomene Level z go wo eifach chasch chli mache was d wotsch.. Die andere send metem Simon met, well er erscht s zwöite mou e sim Läbe of de Ski gstande esch. Er hed sech wörklech mega guet gschlage, aber es esch glich chli loschtig gse ame.. Noch de Lektion semmer es Reschtorant fein go Zmettag nä.. Die meischte hend aber doch sache vo deheime metgno gha. Was mer natürlech no moss erwähne das ech en Sweatpants gfahre ben ond ke Helm.. So öbbis wörds be eus auso scho au ned gä..
Am Nommitag semmer de alli weder zäme gfahre. Mer hend so vell Spass gha!! Do lohnt sehc ame das lange Fahre scho.. Ond ech be eigendlech au scho zemlech dra gwöhnt vo dem här.
Etz beni fix ond fertig ond gone es Bett! Mer weiss jo nie öbbi morn öbbis los werd ha oder ned.. Vellecht am Obe de.

BPA (Business Professionals of America) State in Billings

Grad aschliessend vo Bozeman semmer of Harlow gfahre ond dete e Schuelbus omgstege ond ab nach Billings, well mer hend a dem Sonntig scho Competitions gha. Es hed öber 70 verschednegi Sache wo mer sech hed chönne qualifiziere a de Regionals en Great Falls bem legschte mou.

Jede Teilnähmer wos bes zom State gschafft hed cha nome a de Kategorie teilnäh wo mer sech qualifizert hed ossert a de Open Teschts. Die cha mer eifach go mache, aber d Chance esch eifach chliner das mer öbbis wörd gwönne, wells eifach so vell möched.

Mini wechtig Kategorie esch Advanced Dektop Publishing ond för das hani au amigs e de Schuel vell glehrt. Ech ha emmer so as Spass gseid gha das ech secher alli Amerikaner werd schlo ond State Champion wärde..

So jo am Sonntig send all die Teschts gseh ond am obe hemmer die erscht Session gha. Dete send alli Chapters vom ganze Staat gseh. Es esch wörklech impressiv gseh! Om die 1200 Students vo ganz Montana e eim Ruum versammlet. Ond wörklech die send vo öberall här cho. Do chonds ebbe ned drofa wie gross d Schuele send alli möched bem gliche met.

So adere Session esch eus alles erklärt worde ond en Sprächer esch dete gseh. Er hed usgseh wie de Forrest Gump ond arbeitet tatsächlech för d Reschtorant Chätti ond representiert de Forrest Gump. Er hed eus klar gmacht wie wechtigs eschs Möglechkeite wo eifach so uftauched z packe ond z nötze. S esch guet gseh aber eifach z lang, well mer so müed gseh send noch dem lange Tag.

De Mäntig hemmer chönnd nötze för s shoppe! D Bodi god äbbe scho e 2 Woche zomene Prom en Lewistown met emene Ustuschschüeler dete ond drom hemmer för sie es Prom Dress usegsuecht.

Ech ha no es Chleid brucht för d Award Zeremonie am nöchschte Morge. Mer daf ned of d Bühni go de Pris abhole (wenn mer öberhaupt eine bechond) wenn mer ned professionel agleit gseh esch. So wie emmer god Zit bem shoppe mega super schnell ome ond de semmer es Outback es Steak Reschtorant go es feins Znacht nä!

Mer hends eus so rechtig lo guet lo, glaubed mer.

Aber dä Tag esch nonig verbi gseh. Mänitg Obe esch de BPA Dance gseh! En Disco.. aber alli hend mösse es Shirt a ha wo mer dete becho hend. Es esch ned s schönschte gseh, ond jede hed glich usgseh, aber das hed eim erspart es schöns Outfit usezsueche. Ech ha mech so gfreut entlech weder mou chönne z tanze ond chli Party mache!!! E cheibe Spass hemmer gha.. Leider esches scho am 11 verbi gseh!

Do mossi etz ehrlech zuegä ech be zemlech nervös gseh wo d Award Presentation begonne hed. Em tüfschte Ennere hani mer ebbe scho gwönscht öbbis z gwönne. Das wär so super en Pokal oder wenigschtens e Rangierig z ha.

Er mönd wösse sie hend en Powerpoint gmacht ond dete send emmer die 10 beschte erschene enere random aordnig ond die hend de före chönne ond de esch abegläse worde vom 10 besch zom erscht Platz. Die send de of d Bühni ere Pris go abhole.

Well es so velli Kategorie gä hed hani mega lang möss warte bes mini dra cho esch ond befor dem esch no d Randi Wichman ond Hope Berg zwe gueti Kollegine ERSCHT ond ZWÖIT worde!! Mönd euch das vorstelle.. Das esch vom ganze Staat. Emmer nervöser ond nervöser ben worde ond de chon mini Kategorie!!!! Ond wär stohd of de Presentation.. Ech d Stefanie Spanier... Has ned chönne glaube.. Das hed mi no nervöser gmacht wenni so dete voregstande ben met anderne!

Agfange Näme abesäge verlönd mech emmer meh Lüüt ond de stohni dete elleige ond realisiere..

ECH BE STATE CHAMPIOOOOOON!!!!!!!

Was för es super guets Gfühl ech doch dete gha ha. Ech as an Foreigner ha d Amerikaner ed Chnü zwonge ond dä Pokal ghout! Mou do beni grad chli Stouz gseh.. Ech ha mech somet för d Nationals en Florida qualifiziert!!! Was jo nomou geiler wäri, aber wägem finanzielle gömmer leider ned.. Aber nome scho de Gedanke ech chönnt go aträte gäge Lüt vom ganze Land. Das esch eifach nome grossartig!!

So hani metemene super guete Gwösse chönne ed Trainer Hose schlöpfe ond mech of d Heifahrt begä. Bem Heifahre semmer nomou super guet go Ässe ond total kabott nochere igschlofe em Bus.

Das Wochenänd esch eifach nome super genial gseh!!!!

BASKETBALL STATE CHAMPIONS 2013

Scho am Morge ben ech mega ufgregt gseh of e Obe! D State Championship stod vor de Töre ond mer send dete debi.. Das heisst mer send onder de zwee beschte Team vo öber 90 Team e ganz Montana. Chasch du der das öberhaupt vorstelle wie grossartig das esch!!!

No s legschte mou hemmer welle die härzig Altstadt vo Bozeman go besechtige.

Nome mer vier Girls send elleige onderwägs gseh ond hend praktisch chönne mache was mer hend welle. Als erschts hemmer en Pizza emene schöne Restourant gno ond nochhere no Power Shopping ond natürlech fäut nie no en Kaffi. Dä hemmer de schön e de Sonne osse tronke, wells tatsächlech mou wonderschöns Wätter gseh esch. Was momentan eigendlech ned sehr vorchond.

Well mer nochem schlendere dör d Altstadt zemlech müed worde send hed d Taya ond d Mina ghsclofe während d Bodi ond ech en Serie em Fernseh gluegt hend. Sie hed mer weder emol Locker mer gmacht för s legschte ond entscheidende Speli gäge Vespi/Grenora em Finale.

Es hed eigendlech ned gar ned eso lang dured ond wenn mer näbe bi no Honey Boo Boo luegt sowieso ned. Das esch en stupid Amerikanischi Sändig.. Wo mer eigendlech ned moss gseh ha, aber s glich emmer weder loschtig esch.

D Bodi hed no es Date gha. Vom vorhärige Obe hed sie bem Cowboy Dance en mega nätte troffe. Ond de send neume go ässe ond de beidi s Speli go luege.

D Michelle us Dütschland hed sech be dem Speli au no zo eus gsellt gha. 

Ere hemmer schön es rots Bandana gha das si vou e Fan Block innepassed hed. E de Metti vom Speli hed mer eigendlech scho zemlech chönne ahne das eusi Jungs das Deng wärde gwönne! Sie hend emmer met meh als 20 Pönkt gfüehrt ond die andere hend eifach ke Chance gha. 

WÖRKLECH die legschte paar Sekonde send eifach nome grossartig gseh!! Gseh wie fescht sech d Jungs freued ond wössed. YES MAN das esch mis team!

Noch de Trophie öbergab hemmer entlech zo enne döffe ond ehne Gratuliere. Ech be so emotional ufpomped gseh das ech wörklech vou em Samu ed Arme gomped be. Ech ha zetteret ond fascht brüelled ech ha so onglaublech fescht freud gha. Es esch sone grosse Deal done wenn mer Basketball Meischterschaft em ganze Staat gwönnt!!! Ond Roy-Winifred Outlaws Boys hed alli wägpotzt ond KEIS einzigs mou verlore.. Ech be so onglaublech stouz of si! Wär natürlech au ned möglech gseh ohni die super Fans ond denk Foreign Power.

FOREIGN POWER!!!!!

Enere Baar en Bozeman hed en Sieges Party för d Jungs statt gfonde wo mer de nochhere au no he gange send. Leider hemmer ned sehr lang chönne dete si, well mer de nöchscht Tag weder witer hend mösse of Billings ad BPA Competition.
E dere Baar semmer de eifach vorallem zo de Foreigners ghocket ond heds cheibe loschtig gha.. Eifach alli enere mega guete Lune haut!
Ech wönschti mer hätte chönne ere Sieg nochli me go fire aber mängisch hed mer haut no anderi Prioitäte wo mer sech gsetzt hed ond das esch ebe BPA gseh ond för das hemmer mösse fit si ond gli es Bett. Aber s nöchschte Wochenänd esch jo scho weder nöch da mer erscht weder am Mettwoch Schuel hend!

OUTLAWS ARE THE NUMBER ONE!

Minas Birthday and the first 2 days at the State Tournament

Das vergangene Wochenänd esch eifach „great“ gseh. Die ganz Zit hemmer öbbis z tue gha. Vo Winifred of Bozeman, vo Bozeman of Billings ond de weder of Winifred.

Am legschte Mettwoche esch d Mina 18i worde ond mer send zom Pizza ond Chueche ässe iglade worde. Aber bevor mer zo ere send, send d Bodi, Taya ond ech e Sign shop gange ond hend super spezielli selber usdänkti T-Shirt lo mache lo. Ofemene schwarze Shirt hemmer of de vordersite Foreign Power ond of de Röcksite d Nommere vo de Ustuschschüeler Basketball Speler ond s Outlaws Logo lo ufdrocke met Strass Stei.

Mer send ebbe total stouz od si wie si secher so gschlage hend em Basketball!

E de mina hemmer das Shirt de grad no of e gebortstag gschenkt.

D Pizza ond de Chueche enere Pizza Shape esch wörklech mega guet gseh! Mer hend e loschtige ond gmeütleche Obe e erem Huus verbrocht ond de semmer zemlech gli scho weder hei, well mer am nöchschte Tag am 6 am Morge zom erschte Basketball Speli gfahre send.

Alli drü Exchange Girls hend chönne met de Wichmans metgo. Das esch e de Taya eri familie ond die send total kuul. Vellecht hani scho mou erwähnt das si mega vell Chend adoptiert hend.. ond d Taya esch eis defo. D Mary d Muetter esch wörklech en tolli ond hed e eus Girls en Hotel Room buechet. Vo Winifred of Bozeman fahrsch om die 3h.. ond drom hemmer mösse gli ufbräche am Morge das mers zom erschte Speli gäge Highwood am 11.30am schaffed. Em Auto hemmer eus rot ond orange em Gsecht bemalt ond Bandanas agleit. So semmer ready gseh för eusi Jongs zom aführe..

S erschte Speli hends total locker gwonne ond so hend si sech för Semi-Final qualifiziert.

S Speli esch so gli fertig gseh das mer nochhere no de ganz Tag Zit gha hend öbbis z mache. De semmer eus mol erscht es Hotel go irrechte ond alles uspacke ond de ab ed Sauna vom Hotel. After that semmer Downtown gange en Bozeman ond es esch wörklech so e kuuli Stadt. A de Main Street heds mega härzigi Lädelis met vellne chline Antiquitätene. Dete semmer för es Zitli omegschländeret met de ganz troppe bevor mer de e McDonalds send go Znacht nä.

S zwöite Speli esch am Fritig gäge Arlee (Indians) am 6 am Obe gseh ond weder hemmer am Tag Ziit gha öbbis z onternäh. Emene Chinesische Restaurant semmer amene Buffet go ässe ond eusi Büch vollgschlage. Di meischte hend nochhere ed Mall welle ond drom hemmer de au genau das gmacht. D Bozeman Mall esch ned schlecht, aber au ned di bescht. S einzige was ech kauft gha han esch en Starbucks Kafi gseh. Aber so wie das oume esch god d zit bem shoppe zemlech schnell ome. 

Das Game esch de wörklech mega spannend gseh, well Arlee es mega guets Team esch, aber eusi Jungs hend das weder great gmeischteret ond hend de Wäg zom Final frei gschufflet.

So semmer ed Championship cho!!!

Ond s beschte a dem Obe esch jo gseh dass ech d Michelle vo Dütschland noch langer langer Zit entlech weder emou troffe han. Mer send wörklech wie e de Felme ofenand zue gspronge ond hend eus mega lang omarmt. Ech wönschti si wördi en Winifred läbe, dass wär eifach genial.
Well eres Team scho e de erschte 2 Rondene usgschede esch hed si sech eifach entschlosse etze en Outlaws Fan z wärde. De ganz Obe semmer zämme onterwägs gseh.

De Daris esch de Taya ere äuter Brüeder ond god en Bozeman es College. Es esch Fritig Obe gseh ond enere Schüne näb de College Students Hüser esch en Dance gseh. Er hed denkt er chöig eus doch eifach mou metnäh ond eus zäige wie das dete so zue on här göig, aber befor dem semmer e sis Zemmer ond hend no en Kolleg vo ehm könneglehrt. Das Gebäude esch aber scho zemlech läär gseh, well am Samschtig hed Spring Break agfange ond de mönd alli dosse si.
Nochere chline Tour semmer öbere e die Schüüne ond de beni echt nömme usem stune use cho. Alli Studente dete hend so em Cowboy Styl tanzed met uflöpfe ond omeschleudere ond allem drom ond dra.. ech ha das bishere echt nonie gseh ond sowieso nonie probiert. Bes dä einti Typ achond ond mer möcht zeige wie das god.. Ech ha wörklech ke Plan gha, aber er d Füehrig so öbernoh das ech eifach ha mech mösse füege ond mache was är aged. Es hed so vell Spass gmacht dete zi ond eifach die ganz Atmosphäre met z erläbe.