Newmans Branding

Am Fritig Obe hemmer en Gebortstags Party för en Kolleg gmacht on mer hend döffe be de Jamie DeHaven erem Shoppe go fire. Es esch super praktisch gseh das mer am nöchschte Tag gli hend chönne ufstoh ond zom Branding vo ehne go.

Am 7 beni ufgwachte noch knapp 4 Stonde schlofe ond mer hend eus parat gmacht zom go brande. Aus erschts send d Riter die erscht Groppe vo Cheüh go zämmetribe ond es Getter brenge ond nochhere hends die mösse ussortiere ond alli Chäuber seperat ha. Wenn das gmacht esch cha alles vorbereitet wärde för s actual Branding. D Füür wärde gmacht förs Iise, d Medizin werd vorbereitet, ond d Ohre Tags (blau för Buebe, orange för Wibli) zwäg gmacht. Ech be gfogt worde öb ech wöigi d Ohre Tags mache oder Wrestling d Chäuber. Logischerwis hani welle go wrestle.

Am Afang beni mega onsecher gseh ond ned traut eifach dri z go. Er mönd wösse d Riter dönd d Chäuber foh aber denne mönd zwee Persone goh onds flippe. Wenns gflipped esch ziehsch es ane ort wo chaschs fescht hebe. Eine god a chopf part ond di andere Person zo de Henderbei. Meischtens eigendlech emmer ben ech am Chopf, has eifach ned eso gärn be de Henderbei z si. Nochhere wartisch för all die Shots das s Chaub bechond ond wartisch bes d Lüt chömed metem heisse Ise. Bsonderigs denne mosch es guet hebe ond luege das es ned usschlod.  

De hani mou es zemlechi usschlagendi Chueh gha ond ech ha d Henderbei gha. Ond well ech das wörklech ned vell gmacht ha ond das so usgschlage hed eshc mer s einte Bei us de Hand grötscht ond es hed mech ed Stern kickt. Em erschte Momänt beni eifach mega verschrocke, aber ech be mer bewosst gseh mer mönd das etz no fertig mache, well mer chas ned lo go. Alli om mech ome hends gseh ond beförchtet mer göigs etz ned guet. Mer esches super gange ech ha en chlini Bühle, aber au ned weklech me. Weder emou Glöck gha Steffi.

Aber ech ha wörklech vell glehrt a dem Tag. Die Erwachsne send mega helfbereit gseh ond mega vell Tips gäh. Ond gäge Schloss hanis wörklech ned schlecht em Greff gha.

Mer hend de aber scho am 3 mösse go well a dem Obe hemmer no d Theater Uffüehrig gha.

Ech ha wörklech harti Arbeit gleischtet dä Tag ond es paar blaui Fläcke defotreit. Was ech ned gwösst han, Mer wärde sogar bezahlt förs häufe. Debi chasch de ganz zit gratis Getränk ha ond am Ändi geds emmer no es Znacht. Auso absolut ned nötig.

Branding esch mini absolut Lieblings Beschäftigong worde

Prom 2013

Ready for Prom! Hoor ond Nägu lo mache, s Dress, d Schue, de Schmock hani, ond ufgregt beni. Well de Bodi eri Gaschtmuetter Angie eusi Hoor hed gmacht beni öber Nacht be de Bodi go schlofe. Das mer fit gseh send för de grossi Tag semmer zemlech früeh es Bett. Am Morge semmer am haubi 9 ufgstande das mer gnüegend Zit hend zom dusche, Hoor mache, schmenke, ond Dress alegge. 

D Angie hed wörklech chönne zaubere. Die Frisur wo si gmacht hed hani so wonderschön gfonde! Sie 

hed zirka en Stond deför brucht. Sie hed alles öbbe drümou met vell Hoorspray fixiiert das jo nüd kabott werd go. Ond tatsächlech hed alles tip top ghebt. Ech ha d Frisur sogar no am nöchschte Tag gha. Es hed meh usgseh wie es Vogunäscht aber es hed glich haube ghebt.

D Sammy ond d Taya send use gfahre zo de Bodi erem Huus zom eus go abhole ond eus zo de Taya brenge. Die beide hend no ke Chleider agha ond hend no mösse fertig wärde met all de Schmenki. E de Taya eres Mami hed eus wonderbare Ice Kaffi gmacht während mer gwartet hend. Eigendlech hätte mer jo welle go Föteli mache met eusne Dates befor mer of Lewistown gfahre wäre, aber well die jo as Branding gange send am Morge esch us dem natürlech au nüd worde. Mer hend ned mou gwösst wie sie wärde of Lewistown cho, aber mer hend etz denne eifach mou vertraut. De hemmer haut es paar Fötelis gmacht nome 4 pretty Girls. Die Belder werdi de no spöter becho.
En onerwartete Aruef esch cho ond eus esch abote worde met de Stretch Limo a Prom z go! Mer frogt sech natürlech wär en Winifred en Limo hed ond för was. Eine wo do wohnt hed eifach freud a dem ond chas emmer weder för so Aläss gebruche.  Natürlech hemmer do ned lang öberleid ond zuegseid! Mer send 7 Persone det denne gseh ond es esch eifach nome loschtig gseh. Mer send zom Trade Center en Lewstown gange. Mer hend e Termin gha för professionelli Fotene met em Date ond Groppe Belder. Noch dem semmer go Znacht ässe. Ech be wahrschindlech s belligschte Date gseh för ehn. Ech ha ned wörklech honger gha ond de hani nome Curley Fries gno. Ech ha ehm ganz 3 Dollar koschtet förs Znacht. Dä Cheib cha jo froh si.

Entlech fod de Prom a. De Big Event esch de Grand March. Alli Schuele laufed nochenand emene Chreis met erem Date ond de presentiersch dech so z säge. Jedi Schuel hed chönne e Song för das uswähle. Euse esch gseh "I love it " from Icona Pop. Die meischte Eltere send dete gseh för das ond hed wie weldi Belder gmacht. After the Song esch done werd de Prom Queen and Kind fo de Schuel bekannt gä. För das hemmer chönne legscht Woche abstemme. Well mer nome 1 Senior Maa hend esch es klar gseh das ers werd wärde. Aber es esch emmer es Chopf a Chopf renne zwösche de zwee Girls. Das johr esches de Luke ond d Shelby worde. Sie hend wörklech super usgseh.

Während die andere Schuele gloffe send, send mer vell vell vell Föteli mache. 

Ond nochhere hemmer eifach no de ganzi Obe döretanzed. Leider ben ech ned of die gueti Idee cho mini Schueh abzzieh ond so hani de nöchscht Tag riese Blotere a de Füess gha.

Mer send so om die 11 heigange, well a lli send wörklech mega müed gseh. Mer hend de eusi Dates met de Limo heigno. E dere chline Limo met 9 Persone esch no zemlech e spannendi Sach gseh. Ech ha eifach schön chönne alehne am Simon ond schlöfele.

Ech wörd meine das esch de mou e glognige Tag gseh. All dä Stress ond all das ufbrätzle hed sech ebbe doch glohnt. Ech ha mech mou ei Nacht lang wörklech wie en Prinzässin fühle. Es esch de ned so eifach met somene Dress z tanze. Mosch emmer luege das niemer of dis Chleider stohd wells eso lang esch. Aber ech moss säge ech ha das zemlech guet gmeischteret.

Es hed mer of jede fall wörklech super guet gfaue! Be etz scho gspannt wie die professionelle Belder wärde usecho..

My first Branding

Etz beni komplett Igweiht es normale Montana Läbe. Legscht Donnschtig hed euse Are Representative Marietta Boyce e Teil vo erene Chäuber lo brande. Das meint so vell wie die bechömed metemene heisse Eise e Schtämpfu ofs Henterteili.
Die meischte send scho gliner us de Schuel gange om go häufe, ond ech ha denkt ech go gar ned, well fascht ke Girls met send. D Jolene mini Gascht Mam hed mech de doch metgno ond ech ha das of ke Fall bereut. Ou wenni grad erscht e Tag befor em Branding mini Nägu ha lo mache, dass hed mech ned bagschreckt z häufe.
Am Afang han ech jo gar ke Ahnig gha was ech etz genau sell mache, aber de beni schnell dri cho. Zerscht hends die jonge Chäuber mösse vo de andere Chüeh trenne. Em Ghägi send am schloss all die Chäuber gseh ond es paar Riter met Rösser. Die Riter hend met Ropes die chäuber a de Henderbei chönne foh ond de hende nochezieh. Das esch de Momänt för zwee Persone wo du mosch zo de Robe go ond s Chaub omdreie ofe Rögge. S ged verschednigi Arte das z mache. Die meischte packed de Schwanz vom Chaub zoms häufe chere oder ebbe a de Rope. Wenns Chaub dreiht esch go öbber zom Chopf ond die ander Person zom Henterteili. Ech ha ame de Chopf gno. Ech ha das lieber wenn ech Kontroll öber dä han. Ond de bruchts eifach Chraft das du das Chaub onter Kontrolle hesch, wenn es 3 Empfige bechon, d höufti vom Ohr abgschnette werd (das macht aber ned jede Chue Bsetzer glich, ond  de au das Bluet a mine Hose) ond am schloss no branded. Wenn das heisse Ise of d Huut chond verbrönnts Hoor ond Huut. Jedi Familie hed es anders zeiche! Ech cha mer nome vorstelle wie weh das moss due. Drom a dere stell moschs bsonderigs guet feschthebe oder es werd dech kicke.
De Samu ond de Fred hends a dem Tag au zom erschte mou gmacht ond drom sends au nonig eso güebt gseh. Ond de esches passiert, sie hend s Chaub of de fausch Site gha. D Chäuber hend verschednigi farbe vo Ohre Chips wo mer gsed welli Site vom Henterteil branded werd. Ond de hends es mösse chere.. Aber de einti hed nonig s rechtige Bei e de Hand gha ond de andere hed scho afo dreie ond de hed das Chaub em Fred e Kick e  Onderchefer gä. Ond ech ha das alles vo nöchem gseh.. Er stohd uf ond lauft wäg. Natürlech beni em noche. Es hed ehm mega mega weh gmacht! S dot ehm etze no weh, aber ech glaube es hätti schlemmer chönne cho. Glöck gha!
Ech moss wörklech säge. Ech liebe Branding!!!!
Es esch e Social Event, öbbe alli send dete ond häufed. S werd am schloss au no zämme gässe. Es esch eifach mega vell Spass ond entlech beni för öbbis z gebruche. Ech werde ganz secher weder debi si am nöchschte Branding.
Mer send de erscht am haubi 10 weder deheime gseh.

Ich hab die haare schön

Weder emou en chlini Veränderig vorgno. Wells etz de gli jo Prom esch hani mer denkt ech sett weder emou öbbis met mine Hoor go mache. Höt noch de Schuel ben zo de Donna gange ond sie hed mer Highlights gmacht. Etz beni aber es rächts BLONDIE..

Jo momentan geds ned vell grosses z brechte. Onder de Woche hani ganz normal Schuel ond a de Wochenänd send ame so z säge Parties. Aber ned wie deheime.. Do möchemere es Lagerfüür ond hend e gueti Zit.

Nöchscht Samschtig esch de Prom ond d Vorbereitige send of Hochtour. Geschter hani a de Dekoration garbeitet ond planed met wem mer gönd go ässe. Bes etz semmer e Groppe of 9 Persone ond wärde em Harrys Place en Lewistown go ässe noch dem mer de Foti termin gha hend. Dete wärde mer es Klasse Foti go mache. Am 8i esch de Grant March ond de laufed mer met de Schuel ond sim Date emene Chreis zonere Musig wo eusi Seniors usgwählt hed. Ond nochhere hed mer no e Dance met sim Date.

Er chönd gar ned glaube wie ufgregt ech ben. Ech werd am Fritig be de Bodi schlofe ond de am Samschtig dömmer eus zämme parat mache ond erei Gaschtmam macht mini Hoor. Sie esch en Coiffeuse. So alles esch tip top planed ond de Smaschtig cha cho. 

Gueti Zite

Es lauft eifach alles so super right now. De Früehlig chond langsam weder use ond mer fühlt eifach besser. E de paar legschte Täg hani chli agfange noch de Schuel met enere guete Kolegin Rayann ond es paar Jungs chli abzhänge. Mer send veruse go höckle ond eifach s Läbe e volle Zög gnosse. Oder d Rayann ond ech gönd eifach ame met erem Auto chli go omedrive. Oder eifach ofem Bett lege met ere ond rede. Das gniessi ame so.

Ond eifach söscht gods mer eifach sehr sehr guet! Ech ha so gueti Frönde done, wo ech sehr vermesse werde. Ech be parat die legschte zwee Mönet no so rechtig z gniesse!!

Chum z glaube das ech echo chli me als 8 Mönet wäg vo deheime ben. Onglaublech schnell esch das etz gange.

Enjoying the Spring Sun

Entlech chond de Früehlig ond mer cha weder usego. Wenn ech d Sonne nome scho gseh esch mini Stemmig so vell besser. E de legscht Stond vom Tag hemmer e de Schuel momentan Fotographie, ond wells eso schöns Wetter gseh esch (20 Grad Celsius) hend mer Football gspelt ond ech be dene nochegsecklet om Föteli z mache.