Advent Time

Wiehnachtsbaum dekoriere noch de Schuel!
D Bodi ond ech hend sowieso öbbis welle zämme mache ond so semmer grad em rechtige Zitponkt deheime gse zom häufe s Huus Wiehnachtlech z schmöcke.
Sone typische Socke wo d Amerikaner hend zom Gschänkli dritue bechomi de auno!!
Ond vo minere kule Familie deheime esch höts Päckli cho metem Adventskalender.
Danke vell vell mou!

So konterbonti Belüchtig! S Ornament wo am Baum hängt han ech selber gmacht.

Christmas Time

Jeff and me

Clothing

Us dem werd nochhäre en Pyjama Hose! E de Handarbeit hed jede es Projekt ond de chömmer Chleider säuber näie..

So d Wiehnachtszit chond emmer nöchher ond euse Wiehnachtsbaum stod scho e de Stobe.
De Schnee lid dosse, d Strosse send mega rotschig ond d Ferie chömed nöchher.
Enere Woche gömmer of Chreschtboum jagt em Waud.. Mer hend zwar scho eine, aber mer gönd för öbber ander eine go jage :)

Stefanie Live

Ha denkt wär doch mou wetzig, wenn er mech mou chli live gsänd!

Familie Lischte

Das esch d Familie vo mim Gaschtvater de Jeff. Bessergseid sim Mami.. Sie hed 16 Gschwöschteti!

Sie esch d Stephany Lucille hed de au no 11 oder 12 chend bechome ond de Jeff esch glaubes de zwöit ältischt.

Die meischte läbed en Montana! Eini vo de Töchtere wohnt aber en Hollywood Kalifornie. Wär au super wenn mer si mou chönntet go bsueche.

Das erklärt scho einiges das mer s Wiehnachtsässe emene gemietete Ruum möched met om di

60 persone. 

De Jeff - mine super kuul Gaschtpapi

Gritibänzle

Ond so ha au ech mou öbbis us de Heimat bachet. Ond zwar han ech Grittibänze usprobiert.
Loschtigerwis heds sech de grad no troffe das ech skyped han met em Mami, Papi ond Frönde vo ehne. Hei das esch au loschtig gseh!
Jo so hed au en Steffi Spanier entlech mou öbbis Ässbars ännebrocht.
Mini Gaschteltere hends emu mega gärn gha.

Gsed emu ned so schlecht us förs erschte mol

Lenks esch en Cowboy Huet ond näbedra s Cookie Monschter

Thanksgiving

Well jo Thanksgiving gseh esch am Donnschtig hemmer 2 äxtra Täg frei becho.
So hemmer am Mettwoch scho am 1 us becho ond de hemmer eifach di frei Zit gnosse ond ech be no en Termin go mache för Nägu lo mache.
Am Donnschtig esch es de sowit gseh ond Thanksgiving esch for de Töre gseh.
Erwartet hemmer so om die 30 Gäscht e eusem Huus! Er mönd äbbe wösse das mine Gaschtvater e riese Familie hed. Er hed so om di 9 Gschwöschteti.
Aber befor die itroffe send hed mech öbber ander öberrascht ond zwar esches d Mina gseh. Sie esch mer ehre frösch gschossne Bock cho zeige.

Nochher send noch ond noch d Lüüt itroffe ond mer cha sech jo vorstelle wie verwerrt ech gseh ben met all denne vellne Lüt. Ech has super guet gha met de Tante vom Gaschtvater. Sie esch 86, aber emmer no cheibe fit. Ond sie hed mech welle abfölle met Wiis Wii.
Etz möchti si de mou bsueche noch de Schuel ond ehre chli Gsellschaft leischte, well ere Ma esch for paar Mönet verstorbe.
So heds mega vell verschednigs Ässe gä, well öbbe jede öbbis metgno hed. Nochem Ässe hemmer Domino gspelt ond emfau das cha echt no loschtig si. Ond logischerwis esch de ganz Tag Football em Fernseh gloffe.
Mine Gaschtvater ond ech hends eifach super moss mer no erwähne. Er esch chli en ältere, gmüetleche Cheib ond mer cha ehn eifach nome gärn ha. Wege ehm ha ech tatsächlech Sellerie met Erdnossbotter probiert. Wördi emfau ned empfähle! De Sellerie esch de grusig Part. De hani eifach d Erdnossbutter usegässe. Aber er hed gseid etz chöig ech eifach ned go schlofe, well ech min Sellerie ned z Änd gässe han. Oder är ond ech lueged ame so typischi Amerikanischi Spelshows ond jede vo eus nemmt e Groppe ond de semmer so zsäge gägenand. Esch eifach loschtig met ehm. Nor so näbebi mou welle chli verzelle vo ehm.
So esch e brutau lange Tag worde drom beni chli ofem Sofa go schlöfele. Aber de hed d Bodil mer aglütet ond metteilt, dass mer am 5 am Morge rechtig Billings fahred, well Black Friday esch. Das sovell bedütet wie jede Lade hed spezielli Agebot ond mega vell esch abegschrebe.
De beni aso schnell es Bett.

Black Friday
Jo am 5 am morge hemmer eus ofe Wäg gmacht. Aber das esch eigendlech scho fascht z spot, well d Läde möched scho am 3 am Morge uf ond denne send wörklech di mega bellige Sache, wie en guete Fernseh för 100 Bugs oder eso. Aber mer send eigendlech jo ned so of das us gseh.
So semmer am 8 e de Mall gseh ond hend afo ichaufe. Ond es hed wörklech gueti Agebot gha.
Loschtigerwis hani au no di Dütsch us Melstone atroffe, aber sie hed de au scho weder witer mösse.
Sie hed eifach no gseid, dass si wahrschindlech eri Familie au wöig wächsle.
Sie sett am beschte zo mer cho!
Jo de hemmer haut de ganz Tag schön gshopped ond nochhere no öbbis Mexikanisches go ässe.

Ah jo ech ha no mis Promchleid bstellt. Ech weiss das ech früeh dra be, aber ech be gärn vorbereitet. Drom hani au etz scho zemlech alli Wiehnachtsgschänk parat!
Jo ond das wär eigendlech au scho weder chli mini Erlänbnis do gseh. Ond emene Monet esch scho Wiehnachte. Ech cha gar ned glaube wie schnell das d Zit vergod. Etz beni au scho knapp 4 Mönet wäg vo deheime. God rasendschnell!
Danke a di Lüt wo töchtig min Blog läsed.

Sleepover

Weder emole Belder em Schnee go mache. Das mol aber met de Bodi rond om eres Huus. Ha ebbe be ere öbernachtet.

D Steffi ofemene Traktor

Betzeli öberliechtet?

Montana - Big sky country

Dänischi Cremes zom Zmorge met Erdbeeri kochet ond Öpfu kochet.

So guet glaubed mer!

After school

Well die Woche jo weder Volleyball no Baskettball no ergendöbbis sportlechs stattfendet hemmer mou rechtig förig Zit zom Züg mache.

Geschter zom Bispel semmer go Föteli mache em Schnee.

Zerscht mou semmer mega lang omenand gloffe bes mer gwösst hend wo mer wend d Fötelis mache ond schlossändlech esches es Feld gseh.

Friends <3 and a  random dog .

Ond höt send mer noch de Schuel eifach em Schuelzemmer hocke blobe. Ech ha mis Züg för d Handarbeit fertig gnäiht ond näbebi met de Bodil ond em Simon gredt.

Nochere Stond semmer vo de Lehrerin usekickt worde, well sie hed welle heigo. De Tucker (Metschüeler) hed de gseid mer chönd jo chli metem Auto go em Dorf omefahre. Schlossändlech semmer eifach förig em Züg omegfahre. 17Miles! Eifach mou schnelle gfahre e dem chline Dorf. Ech glaube ech ha jedi Stross öbbe 10 mou gseh ond könne mech genau us.

Jo esch loschtig wie mer sini Zit done vertriebe duet.

Hunting

Deheime go ech normal noch de Schuel hei. Esse mou chli öbbis, probiere mini husufgabe z mache (was jo eigendlech de eh ned klapped) ond go es Facebook.
Do weisch eigendlech nie so genau was etz of dech zuechon. Eigentlech hed d Mina ond ech welle go Föteli em Schnee mache, aber natürli esch es anderscht cho.
Mer send of Reh Jagt.
Ech hät nie vorhäre dänkt das es mer so vell Spass bereitet noch Reh usschau z halte!
Verwandle mech haut scho echli ene Winifrederin.

D Belder send aber vo emene andere Jagt Usflog.
Leider hemmer bes etz no ke guete Bock för d Mina gfonde.. Nome e shitti! So wörd etz
de Mina ere Gaschtvater das säge. Sä hed sech schön ufgregt wo er dä entdeckt hed. So met kabottem Gweih ond de stod er no so dete, dass ned grad chöntsch schiesse. Er hed gseid, er wörd am liebschte dä schiesse das er eifach wäg esch, well dä seg so scheisse!
Jo ech lehre do schochli züg! D Jagdsaison för Reh esch etz no knapp 2 Woche ond de nochhere sett de mou Bärglöi cho.

State Tournament Bozeman

So etz höckli schönd vorem Ferneh luege Football, trenke e heisii Schoggi ond schriebe a mim Blogg witer. Well ech euch natürlech wott brechte wie mis Wochenänd gseh esch.

Die wechtigscht Information:

LADY OUTLAWS VOLLEYBALL HED DE 2.PLATZ GMACHT E EUSERE KATEGORIE EM GANZE STAAT!!!!!

Ech be onglablech stouz ofs ganze Team. Au das velle omesprenge, schwetze ond reise hed sech uszahlt. Ond mer hend chönne heigo metere Selberne Trophäe ond för Jedi en astecke för d Jagge!

So etz no es paar detailierteri Informatione..

Am Mettwoche grad noch de Schuel hemmer eus of e Wä gmacht of Bozeman (Grösseri Stadt wo d Bobcats es College Football team beheimatet esch). Metem Bus fahrsch öbbe 4Stond det abe.

Öbbe e de Höufti hemmer en Stop gmacht ond hend chönne enere Tornhalle trainiere för knapp 1 Stond. Das hemmer natürlech vorhere abkkärt.

3 Nächt semmer em Marriott Resident en Bozeman gseh ond je z drette emene Ruum.

Ech ha mine met de Tyra ond de Mariah teiled ond mer hend e cheibe Spass gha. Mer hends selber ned chönne glaube wie wonderschönd ond gross die cheibe Hotelrühm gseh send.

Mis uszeihbare Bett

Meischtburcht Ufenthaltsrum för eus Girls

Style voremene Speli esch normal done.

Mariah, Tyra and me

So hemmer schön icheckt e euse Hotelroom ond hend Pizza lo bstelle.

Gmüetlech hemmer die gässe ond send de müed noch dere lange Fahrt!

Ond de hend d Tournaments agfange.

Enere riesige Halle heds statt gfonde. Er mönd wösse das am Staat Tournament alli Kategorie dete spelled ond so mega vell Lüt det send onds en riese Sach esch.

Ech be zemlech öberwältiged gseh mossi säge.

do gsed mer vellecht öbbe d Häufti vo de Halle wenn ned weniger

 

  

Hug an Exchange Student Day

Am erschte Tag hemmer bedi Speli gwonne ond so hemmer schomou de 4.Platz of secher gha!

Jede Tag semmer neume go Ässe ond das alles esch vo de Schuel zahlt worde.

Ond jo mer send ultra oberglöcklech das mer de 2.Platz gmacht hend!

Logischerwis trurig das mers ned ganz gschafft hed zom Sieg, aber 2. esch genau so genial!

Sie send sett 4 Johr nömme as Staat Tournament gange..

Beschti Fan e de Metti - Randis Dad

Seniors

Parat för d Hymne

Wells so fescht hed afo schneie of ei mou hemmer am Smaschtig ned heichönne met em bus ond so semmer en witeri Nacht en Bozeman gseh. Das mou aber emene Hus vo Frönde vo minere Gascht Mam ond nomme es paar, well alli andere met de Eltere hend chönne heigo ond mer ergendwie de Bus mönd heibrenge. So semmer erscht am Sonntig am 5i heicho! Zom Glöck hemmer no en Stop igleit bem Walmart. Ech liebe dä Lade!

        

Wells mer gschafft hend es Staat Tournament z cho hed e euesere Co-Coatch eres Mami eus Shirts offeriert. Ond jede hed sini Nommere ond de name droffe!!!

Er mönd wösse do macht mer sech voremene Speli öbbe om di 1-2 Stond secher parat ond macht d Hoor ond alles ond schlossändlech bendisch si jo glich zämme wend spelsch.

Macht ned wörklech Senn, aber glich Spass! Fraue haut!

Bem Beld obedra hed d Mariah mer d Hoor chli gmacht..

Volleyball Team Dinner

Mer hend höt es Mannschaftässe gha derekt nochem Training.

Es paar Müettere hends mega härzig Vorbereitet. Met dim Name ofem Teschsett, Süessigkeite emene Glas för jedi ond de heds zom ässe Shrimp ond Steak met Härtöpfu gä.

Ond etz gods gli los of Bozeman. Vellecht hemmer sogar d Möglechkeit es Football game vom College dete go luege. GO Bobcats!

Mannschaftsässe e de Kantine e euere Schuel

Onderlag met härzig gschrebnigi Wörter vo de Andere

mhm... Das esch fein gsi!

Sone Süessi Muus

Jede hed of d Onterlag vo jedere andere gschrebe.

Emily, Hope, Randi

Volleyball Divisional Tournament Harlow

Wahrschindlech eine vo de schönschte Moment e mim Läbe hani gha am Samschtig Morge so om die 12i.
Ond zwar hemmer s entscheidene Speli gäge Harlow en Harlow gha. De Gwönner e dem Speli cha izieh es Staat Tournament. Ond das esch e grossi Sach, denn det send nor di Beschte vom ganze Staat.
Mer hend bes denn jedes Speli gäge Harlow verlore. Auso hemmer gwösst, dass mer etz alles mönd gä.
Mer hends vorhäre ergendie Mental ned hebrocht gäg si azcho, aber mer wäred eigendlech vell stärcher als die.
So hemmer de Champf ugno ond des esch eigendlech mega usglech gseh ond so semmer e 5 entscheidend Satz cho! D Tyra ond ech send fascht döredreit of de Bank ond hend so gescht agführet das mer fascht nömme hend chönne rede nochhere.
Ond de schlossendlech de erlösend Moment! Mer gwönnet 17 zo 15 gäge Harlow. Alli send zonenand gspronge hend enand omarmt. Ond mer send so glöst gseh, dass mer brüelled hend.
Ech cha gar ned beschriebe wie dä Momänt gseh esch. Das moss mer eifach erläbt ha.
Ech liebe mis team! GO OUTLAWS!
Ond e Trophäe för de 2 Platz Divisionals hemmer au no chönne hei nä!

Ond so esch d Heifahr rächt entspannend gseh! Ond alli send loschtig droffe gseh.
Wie mer a de Belder vellecht au cha erkönne.

Tyra and me

Me and Hope

Emely

Halloween

HALLOWEEN!!!
För das beni extra gliner ufgstande om e mis Schmätterlings Koschtüm z schlöpfe ond mech z parat mache. Zom gueter Glöck hed mech de Jeff (mine neu Gaschtavater) ed Schuel gfahre ond ech ha ned mösse be dene chaute Temperature veruse.
Er hed näbebi gmeint das ech verchleidet ben als en Chörbis Fee!
E de Schuel hed mer de alli andere Gnosse atroffe ond mou afo rätsle was die genau darstelled.
Esch no loschtig Schuel z ha ond rond ome hocket alles verchleideti Lüüt.
Ond am Nommitag hemmer d ehr gha dör so en arte Grusel Pfad z go...
Sie hend das he grechtet em alte Fitness Rum. Ond so sem mer 6 Wiber zämme det inne gange, ond mer cha sech jo wohl vorstelle das das nome eis gschrei gseh esch. Ech ha das eifach ned gärn wenn mer Lüt folged ond mech emmer so alänged ond Grüsch vo sech gäbed. So hend die mech so fescht verschrocke, dass ech vou omgheit ben!!!
Ond am Obe semmer de go Trick or Treat mache! Metemene Chössibezog als Sack semmer loszoge ond hend probier möglechscht vell Süessigkeite z becho.
Ech liebe Halloween!

Schmätterling

S Tüfeli hani auno atroffe

Samu der Clown

Hayley, s beschte Koschtüm woni gseh ha

Volleyball Girls

Mini Büti vom Trick or Treating