Am legschte Samschtig hani be de Mina öbernachtet, well de Jeff ond d Jolene of North Dakota send öbbers Wochenänd ond de esch erem Gaschtvater die genial Idee cho das mer jo of d Ranch usefahre chönnte ond dene chili go Gwehr ond Pistole usprobiere,
För mech esch das natürlech mega spannend gseh, well ech das nonie gmacht ha. Bevor mer gange send heder eus no zeigt wie mer en Bullet selber dot parat mache.. Nochhere semmer eus e Drenk go chaufe ond use es Land gfahre.
Agfange hemmer de natürlech met weniger starcherm Züg. Es esch jo wörklech ned ongföhrlech ond mer moss Sache beachte. Do nie mous au wenn d Secherheit denne esch of Lüt zile es chönnti abgo oder emmer ewäg vo de Füess. Em Jon sis Mami hed sech de gross Zeche so wäggschosse well sie ned gnueg vorsechtig gseh esch.
So hemmer chli of Targets gschosse ond ech ha ei riese Freud gha. Das send ebbe scho onvergässlechi Momänt vo mim Ustuschjohr.
Aber am 3 semmer de scho weder los noch Moore zomene Basketball Spel. S legschte e dere Saison usgschlosse d Turnier. Eusi Jungs hend alli Speli gwonne ond so no en Uszeichnig becho!!
Keine Kommentare:
Kommentar veröffentlichen