Basketball Divisionals Boys

Grad en Tag noch dem ech hei cho ben vo Hawaii beni met de Jolene ond de Mina of Great Falls gfahre om d Jungs chönne go luege.

Ech ha si nämlech onbedengt welle go aführe! Es esch au mega super gseh alli weder z träffe ond ech hät gar ned denkt das si sech so freued ond grad e ganzi Groppe ufsprengt om mer go hoi z säge.. Das hani mega schön gfonde. S Speli em Fritig esch es Semi Final Game gseh ond das hends gäge Indianer gha. Das hends suverän gmeischteret gha ond so heds gheisse Championship am Samschtig Obe. Aber Obe meint 8.30 es Speli ond so hani mech gfrogt öbs vellecht ned gschider esch, wenn ech eifach ergendwie öber Nacht neume chönd öbernachte in Great Falls stat weder 5h Fahrt of mech z nä.

Ond d Mina hed sowieso ned welle öber Nacht blibe so hani das usegfonde das si met de Jolene hei cha go ond ech ha chönne met de Wichmans sogar gratis emene Hotel öbernachte, well si sowieso Zemmer hend ond d Bodi esch ou met ehne gseh.

Natürlech hani das Agebot agnoh ond so hemmer e mega loschtige Obe gha..

Am Samschtig hemmer natürlech au mösse öbbis mache, dass ergendwie Zit omegod.

So semmer ed Mall ond en Walmart öbbis go ässe ond es KINO. Entlech hani weder emou es Kino chönne. Ech cha dä Felm wörklech nome allne witer empfähle. Er esch soo onglaublech loschtig gseh..

Championship Games send emmer mega spannend, wells jo om de erscht Platz god..

De ganz Outlaws Fanblock hed sech mega verchleided ond ech ha mer e de Foreigner eri Nommere ad Bagge gschrebe ond ad Ärm.. Ond es Trickot vo de Nommere 10 hani au no agha..

Das ganze esch so spannend gseh ond loschtig!

Ond wo de erlösend BEEP chond ond mer DIVISIONAL CHAMPIONS worde send hend alli natürlech riese Freud gha.

Ech be so stouz of die Jungs. Sie hend onglaublech guet gspellt ond sech wörklech verdient.

E 2 Woche wärde mer of Bozeman go ond om e Staat Tetel kämpfe!! Go Outlaws!!

Honolulu Hawaii with Explore America 2013

1.Tag

Arrival Day

E Nacht bevor ech de Flog gha ha send de jeff ond ech o f Billings gfahre  zonere Cousine.

Dete hemmer chönne öbernachte, well mer scho früeh am morge use hend mösse. Mine Flog esch am 6 am Morge gange. De Jeff hed mech de so wiet bes gange esch begleitet. So härzog er hed secher welle go dasi wörkli de rechtig wäg nehme. Aber ech be scho so vell greist das das ke Sach gseh esch.

En Seattle hani ned lang Zit gha so hani mi mösse beeile zom nöchschte Flogi z cho. Ond natürlech hock ech weder näbere feschtere Frau. Aber zom Glöck esch sie mega lieb gseh. Sie hed eigendlech emmer chli de ganz Flog sech met mer onterhalte, well ere Ehema gschlofe hed. Aber sie hed mer vou agfange eri ganz Läbensgschecht verzelle ond ech ha das eigendlech gar ned so gnau welle ghöre. S peinlechschte am ganze esch jo gseh, dass di mer Belder of erem Nate zeigt hed vo erere Tochter ond Nechte ond alles ond plötzlech... Es nackt Beld vo ere! SO PINLECH! Mer chönt jo denke de hed si öbbis drus glehrt ond hört uf met de Föteli aber nei no meh tauched uf. Also emmer zerscht luege was mer för Belder ofem Natel hed.

Ond de beni of de Hawaii Ensle Maui acho. Dete hani de 4h zit gha bes zom nöchschte Flog. So beni mou öbbis go ässe, chli omeglaufe ond em Buech gläse. Ech be so nervös gseh! Ech ha ned gwöss was of mech zuechond ond öbs öberhaupt guet werd. Aber alli Zwifel send om söscht gseh.. Scho em Flüger beni näbemene Metgled vom Camp ghocket. Sie esch vo Süd Korea gseh. Sie reist met EF ond läbt en Kalifornie.

Vou hibbelig on nervös hemmer en Leiter am Floghafe troffe. Met ere Groppe vo öbbe 12 Persone semmer enes Büsli gange ond rechtig Hotel gfahre. Of de Fahrt hemmer eus alli chööne kännelhere ond es esch soo spannend gseh vo all de andere z ghöre wo här si chömed ond wo sie läbe.

Er mönd wösse das es e mim Camp zirka 70 Norweger gha hed. ON om di 20 Dütsch sprächendi Persone. Em ganze 97 Lüt. Ech hät jo nie denkt das das ribigslos ablaufe werd. Aber es werd..

Ech ha Gepäck es zemmer gleid ond gseh das die andere scho acho send. Nochhere hemmer en Bon för es Restaurant gfonde wo mer selber hend mösse go fende. Dete hemmer en Uswahl gha vo Steack, Chicken ond Shrimp..

OND DEN.. plötzlech stönd dete mini Kollege vo de Schwiz. Dä Momänt esch so schön gseh! Ech ha ene en riese Omarmig gä ond de send scho fascht Tränli gloffe.

Nochem Znacht hemmer bes am 10 eifach Freizit gha zom Honolulu uschecken.. Mer send as en chlini Groppe as Meer abe ond ner hends eifach ned chönne glaube das mer wörklech do send.

Am 10 am Obe esch es Meeting gseh wo si eus Infos gä hend. So die ganz Woche esch es eifach wechtig das mer d Zite ihaltet. Mer hend so vell Freizit wo mer chönd mache was mer wend, aber a dene Aktivitäten moss mer eifach pünktlich si ond met de ganz Ruum groppe.. Natürlich Alkohol ond rauch verbot... Was vo einige de ned wörklech ighaute worde esch... Aber sie send ned heigscheckt worde. 

Jede Tag mosch am 9.45 am Obe em Hotel si ond am 10ni em Zemmer.. Denne chond denne e Leiter so om due Zit ond chond der go erkläre was mer am nöchschte Tag werde mache.. Noch dem chond eigendlech niemer me es Zemmer ond chasch alles mache was wosch so lang ned usem Zemmer gosch.

2. Tag

Bus Tour

Zmorge am 8am ond nochhere parat mache för en Bus Tour of de Ensle.

S Zmorge esch em Hotel gseh ond das Restaurant esch ergendwie so Chinesisch.. Of jede fall heds Früeligsrolle, Nudle ond Fleisch zom Zmorge gä.. Das esch de au s legscht mou gseh wo mer det zmorge gno hend..

Erschti Haut esch amene Ussechtsponkt gseh wo mer hend döffe usego go Fötelis mache. Alli send so ufgregt gseh! Ech hät nie denkt das es dete so wonderschön esch. Ech ha jo emmer Fotene em Internet gseh, aber das es en echt so wondervoll esch hätti mer nie erträumt. 

Mer send ane Strand gfahre wo wörklech ke Mönsch gseh esch ossert e riese Groppe wo us Teenager bestohd wo mer gseh send. Mer hend om die 2h becho om chli am Strand z relaxe, schwemme ond anderi Lüt könne zlehre. Ech ha jo am schloss scho e zemlech grossi Groppe kennt, aber ech ha emmer weder neui Gsechter gseh. Die Groppe esch eifach riesig gseh, das eifach so e dinere Groppe gseh besch..

Die Sonne am Strand brönnt eifach extrem! Das mer sech istricht esch eifach notwändig. D leiter hend gseid das es jedes Johr 2-3 Lüt ged wo es Spital mönd, well si sech so verbrönnt hend.

Die Scheldchrot esch öber 45 Johr alt ond chond praktisch jede Tag a dä Strand sech go ufwärme.

Mer send zoners Macadamia Noss Farm ond hend verschednigi Gschmäcker ond Kaffi chönne probiere. Es esch absolut mini lieblings Noss met abstand! Die send soooooooo fein!
Mer hend eigendlech nome en chorze Stop gmacht.. Schnell chli Fötelis ond de weder ine e Bus..
A den Tag semmer secher om die 4h em Bus ghocket ond omenand gfahre..

Next Stop Shaving Ice.. En spezialität en Honolulu. Es esch jo eigendlech wörklech nome Eis ond de dönds eso Gschmacks Sirup dröber ond das esches eigendlech scho.. Zemlech eifach gmacht aber e super guete gschmack.

Als abschloss vom Tag esch di ganz Groppe no zomene internationale Buffet gange wo mer sech hed de Buch chönne voll schlo met Pasta, Fleisch oder Fesch.. 

Wie emmer hed mer nochdem mer fertig gseh esch eifach met sinere Groppe döffe d Freizit gniesse..

Natürlech esch d Anja, d Rahel ond ech als en Schwizer Groppe onterwäg gseh ond send go shoppe..

3. Tag

Wandern auf dem Diamond Head and Surfing 

Nochem Zmorge hemmer welle es Zemmer euses züg go hole ond de stecke mer jo tatsächlech em Lift fescht.. 13 Lüt emene Lift för 50 Minute.. Das esch mer jo au nonie passiert..

Mer hends emu loschtig gha ond so hesch weder neui Lüt könneglehrt. Es esch en Muetter met erem chline Mäitschi gseh ond due chöme vo Australie.. Wörkli spannend met dene z rede..

Vell Lüt hend of eus mösse warte aber so semmer de eifach di 2 Groppe gseh wo zom Diamond Head gange esch..

So au mer hend mou öbbis asträngends gmacht dör das Camp döre.. Mer send of ne Berg ufegloffe was wörklech no asträngend gseh wär, wenn ech ned di ganz Zit gredt hätti bem ufelaufe.. Esch no praktisch gseh de hani ned gmerkt das mer om ne Stond ufegloffe send.. 

Dä Usbleck vo dem Berg esch so de hammer gseh. Mer hed of d Waikiki Beach abe gseh ond das spiegu klare Meerwasser hed eim d Sproch verschlage.

De Mario en Dütsche hed denkt etz goder doch ofs Gländer ond macht do e kuule Move. Mein Gott do hemmer alli schnell de Atem aghaute.

Mete zwee Schuel Büs semmer weder zrog gange es Hotel om d Sache z packe förs Surfing.

Mer hend chönne för $35 wenn mer wott en Surf Lesson nä enere Groppe vo 6 Persone. Es hed so vell Spass gmacht ond ech ha sogar chönne of dene Wällene rite.

Noch 45 Minute esches de au leidere scho weder verbi gseh, aber mer hät s nöchschte mol för $10 weder chönne go eifach ohni en Leader.. 

Was e dem $35 no debi gseh esch das sie professionelli Photografene dete gha hend wo eus gfötelet hend of em Surfbrett.. Die send bes etz leider nonig ufeglade worde vo eusem Leiter.

Go ässe semer ene Park. Sie hend för alli Pizza ond Bread Sticks bstellt.. Es esch es zitli gange bes alli öbbis gässe gha hend, aber nochhere hemmer weder Freizit gha. S enizige was sie eus ofe wäg gä hend esch das am 7ni werd es Fürwärk am Strand si. So semmer das no go luege.

Diamond Head

Pizza im Park

 Chill out at the Beach with Fireworks

4. Tag

Pearl Harbor, Shopping, and Bubba Gump

Am Samschtig Morge früeh hemmer eus of de Wäg gmacht zom Pearl Harbor Memorial.

Mer hend es Ticket becho om en Felm öber de Agreff of Pearl Harbor luege.. eigendlech chönnti mer nos Memorial go aluege, aber wägem starchem Wend esch das leider ned offe gseh. D Boot hend eus ned chönne usefahre.. Drom hemmer mega vell Freizit dete gha.

Am Nommitag hed mer chönne entscheide ob mer wott scho am 2 go shoppe e die riese Mall oder lieber spöter ond deför chli as Meer go sönnele. Mer send natürlech a Strand go sönnele, well mer hend welle mega bruun wärde. 

Mer send denne metem öffentleche Bus ed Mall gfahre ond hend dete eigendlech nome e feine Orangesaft tronke ond Cookies gässe befor mer send go Znacht ässe em Bubba Gumps. Dete hemmer e ganzes Henderstöbli gmietet för Explore America. S Ässe esch de hammer gseh ond s Dessert e Traum us Schoggibrownie. 

Heicho es Hotel hemmer weder selber mösse.. Sie hend eus zwar s Geld gä för de Bus z nä aber fende mosch ne selber. Do gsed mer doch das die eus echt wie jonig erwachseni behandlet ond ned wie Babys. Die hend eus so vell vertraue geschenkt das hani so toll gfonde!!

Pearl Harbor

Waikiki Beach

Second biggest Mall in the US

5. Tag

Katamaran Fahrt

Mer send ofne 1.5 stöndigi Katamaran Fahr gange.. Well s Camp so vell Teilnähmer hed send mer ame e Groppene ufteilt worde. Eifach de Ruum e dem mer esch esch emmer zämme ond werd ned ufteilt. Natürlech hed eusi Groppe di perfekt Zit gha ond mer hend chönne usschlofe befor mer ofe Katamaran gange send.
Leider hemmer ke kamara chönne brenge, wells e so nass worde esch det droffe.. D Welle send höch gseh. Die Lüt wo z vorderscht ghocket send send pflotschnass gseh die ganz Fahrt.
Mer hend tatsächlech öbbis gseh ofem Katamaran on zwar 2 riese Scheldchrotene ond sogar Wale!! Mer hend si zwar nome vo witem gseh, aber das hed voukomme glänget. Es esch so super gseh.

Am Obe hemmer weder en Bon becho zom neume go ässe ond das Restaurant hemmer denk weder mösse elleige go sueche. Of de Charte hemmer eifach chönne nä was mer hend welle.. Do hani Shrimps and Steack met Ris gno. Es esch wörklech mega fein gseh.. Was ech eifach liebe z Amerika esch, dass mer emmer s Trenke cha go nochefölle ond nochhere met ofe wäg nä.
De Martin en Dütsche hed jo de bescht Wetz broch vom Obe.. Weisch jedes mol wenn er mech gseh hed heder welle met mer Föteli mache. Ech ha mer denkt jo easy gell er hed wenigschtens e gueti Kamera.. Ond de seid er a dem obe doch echt... Weisch Stefi d Lüt säged mer ebbe no vell ech gsech us wie es Abercrombie and Fitch Model.. Ech luege nome d Rahel a ond mer hend eus fascht ned chönne halte.. Das esch so loschtig gseh. Nei er esch jo scho en liebe aber eifach en Martin wenn weisch wasi meine.
De hemmer eus weder trennt vo de grössere Groppe, well mer hend chli welle go shoppe ond das god ame ned so guet wenn 10 Lüt besch. D anja, d Rahel ond ech hends ame so loschtig gha das glaubed der gar ned..
Jede Obe hemmer es huere Fäscht gha em Hotel Zemmer! Ech glaube eusi ander Metbewohnerin hed sech am afang scho zemlech gfrogt, aber sie hed sech schnell dra gwöhnt. Sie esch vo Öschterich cho ond mer hend tip top metenand chönne rede ohni das mer hend mösse Hochdütsch rede!

6. Tag

Snorkeling, Hard Rock Cafe

Schnorchle emene Natur gschötzte Bereich esch ned ganz eifach.

Mer daf dete ned en grosse Groppene uftouche ond so hemmer eus fascht wi e de Mafia beno..

Mer hend öbbe 2 mol mösse s Auto wächsle das es ned uffallt das mer enand könned ond be de Line för d Tickets för dä Strand hemmer ned alli metenand döffe rede. Ech be dete eifach meischtens met mim brasilianer Kolleg gseh. Er chond vo RIO.. Wie geil esch denn das! Ech könne öbber vo dete!

Befor mer a Strand hend döffe hem mer alli mösse en 10minütige Felm luege öbers Koralle reff ond wie mers mönd behandle.. Mer döffed eifach nüd alänge..

So hemmer eus e Schattige Platz onder de Palme gsuecht ond send es Wasser ghöpft. De Brasilianer hed en Onderwasserkamera kauft för 27 Fötelis wo nochhere chasch go entweckle.. 

E dem Meer heds so riesigi Fesch gha woni nonie vorhäre gseh han. Eine esch rägeboge farbig gseh ond hed so en Art Schnabu gha als Muul oder en andere esch schwarz gseh ond chli gelb ond e lange Schweiff.

Lang hemmer eigendlech ned gschnorchlet, wells de glich ned de oberhammer esch ond ame fascht a de Koralle acho besch wenn dröber gschwomme besch.

De esch natürlech weder sönnele agseid gseh.. Nome so werd mer brun oder!

Metem Kassie das esch de Brasilianer beni nochem Schnorchle nochemene Foti Lade go luege, well er sini Kamer kabott gmacht hed hed welle en neui go boschte.. Mer hend velli Lüt gfrogt ond es hed wörkleh nome ei lade en Waikiki gha.. Befor mer dä gfonde hend heder mer no en Starbucks Ice Kaffi spenidert förs metcho..

                 

S Znacht hend mer em hard Rock Cafe döffe go nä. Die ganz Troppe esch zämme det itrudlet ond mer hend vo 5 verschednige Sache öbbis usläse. Natürlech heds au no en Live Band gha ond es esch zemlech e gmüetlechi Stemmig gseh, obwohl mer ned rechtig hed chönne rede wells so luut esch. S Hard Rock Cafe en Hawaii zellt als eis vo de schönschte of de Welt. Do mossi aboslut rächt gä. Es Souvenir vom Hard Rock Cafe hani mer natürlech au no bsorgt..

Z Frede ond met vollem Buch semmer go omeschländere dosse ond send de eus no es feins Starbucks Kafi go chaufe.. Dä verchäufer hed eus emmu au scho kennt, well mer scho so vell dete gse send.

7. Tag

LUAU Party

Ond scho esch die fantastisch Woche fascht verbi.. A dem Tag hemmer wörklech gar nüd plant gha ossert das mer a die hawaiianisch Luau Party wärde go.

Dete hends ofenere Bühni hawaiianischi Tänz vorgfüehrt ond so metem Publikom Sache gmacht.

Enere Gruebe igwecklet e Bananeblätter hends es Schwein gha ond vor allne hends das de ergendwie usegno ond das hed mer de chönne am Buffet ässe..

Bem Buffet heds alles us de Hawaiianische Chochi gä ond es esch wörkli no guet gseh. 

Die Entertainer hend de alli Ladies uf d Böhni gholt zom en Tanz z lehre ond denne rechtig no s Födlis z shake.. es esch wörkli e vou loschtig Obig gseh, aber ou mega trurig mossi säge.

Nämli of de Heifahrt hed eusi Leader d Elaine hed en Asag ghalte, dass sie eus alli so super Lüt fändi, well mer de Muet heiged das Ustuschjohr z mache ond das si so vell respekt för eus heig. S einzige wo mer chauft on eim richer macht esch REISE!!

So hemmer alli zämme em Bus s Lied "We are young" do hani wörkli scho fascht brüelled aber has no chönne zrog bhaute.. 

Aber wo mer de em Hotel gseh send ond mer gstartet hend tschau z säge esches scho zemlech trurig worde..

8. Tag

Departing Day

Legschti Tag esch prägt gseh vo Emotione. Es hed agfange das de Lukas Heller en sehr guete Kolleg scho am 11i am Morge Hawaii verloh hed on mer ehm so hend mösse tschau säge. Mer hend gwösst das es jo nömme lang god bes mer eus weder gsänd, aber glich esches hert gsi.
Vorallem wo mer so wäggloffe send ond gwösst hend, yep etz escher wäg ond mer gönd nomol a Strand.
Nomou s legschte mol e SUBWAY go es geils Sandwich ässe! Das hani onbedengt nomou welle mache ond de hemmer di Dütschi Troppe no atroffe ond de sem mer met dene a Strand s legscht mol nomou go brüne.
Es esch of jede fall super kuul gseh, well mer nomou es Fotoshooting gmacht hend ond omegalberet.
De Martin werd mer en Flashdrive met allne Föteli droffe do of Montana schecke.. Vou lieb!
Noch öbbe 4h e de Sonne semmer weder zrog es Hotel was sech ned als di bescht Idee usegstellt hed.
Nämlech s neue Camp esch scho cho ond das es h vou trurig gseh, well gmerkt hesch das etz echt mosch go ond de hani no mösse em Brasilianer tschau säge ond de hed er afo brüelle ond de ech ond jo zemlech e downer..
Als e ufmonteret hani es Peanutbutter Jelly Sandwich gässe ond no met neue Akömmlige afo rede ond ene klar gmacht wie fescht sie das mönd gniesse..
Aber au all das hani no gschafft wie alles befor em Ustuschjohr.. Ech has au gschafft en Salt Lake de Anja ond de Rahel tschau z säge.. Ha zwar nocher mini Trurigkeit met Kaffi ond Doughnuts gstellt aber das macht jo au nüd.

Ech cha nome säge das esch die aller schönscht Woche gseh e mim bishärige Läbe!
Danke a allí wo do dezue bitreit hend.. Danke a mini wondervolle Eltere wo bereit gseh send das z finanziere. Danke vell vell mou!

Leader jeremy

Leader Greg

Legscht mol chille em pool

 Nomou es Glace gniesse befor mer gönd

Julia eusi Zemmer Mitbewohnerin vo Öschterich

Bye bye Honolulu! It was amazing!