Be of de Mettag zo de Mina öbergange ond ha met ere chli welle lere, was mer natürlech de ned wörklech gmacht hend. Stattdese esch d Mina es düschi go mache ond ech näbedra ofem Wc-Deckel am skype :)
Mer send abghout worde vo euserer amerikanische Fröndin Taya ond send zo erem Huus heigfahre.
Er chönd euch ned vorstelle, was das för es riese Huus esch ond wievell Gschwöschteti si hed.
Alli send adoptiert! Ond sie hend e Handvoll chlini Büsis, Höndlis ond Papageie wo eim hallo säged. Ond eri Eltere hend es riese Härz das merksch eifach grad!
Mer hend eusi Sache be ere deponiert ond eus parat gmacht för euses erschte Heim Speli gäge Denton.
Er mönd wösse, wenn s andere Team au spelt dot sechs s zwöite Team emmer chli ufstyle, well mer representiere jo eusi Schuel ond de daf mer ned schlabrig dehär cho. Ond mer hend freud dra gha ond hend so rechtig Mäitschi Haft eus parat gmacht. Met vell Musig em Hendergrond ond vell Hoorspray e de Hoor!
Nochhere esches sowit gseh, dass mer euses erschte Heimspeli gha hend. S ganze Team esch chli chribelig gsi, aber er hed sech mega guet agfühlt! Schlossändlech hemmer de gwonne.. De semmer zo de Taya heigange e Whirlpool ghöcklet onds eifach gnosse onderem wonderschöne Stärnehemmu. Wie scho gseid send eri Eltere mega nätt ond so hends eus en Peannutmelchschake, Pizza ond züg zom Chnabere brocht. So hemmer dä super Tag perfekt abgronded!!
Mis Gaschtmami esch höt e chline Wälpe go abhole.
En Öberraschig för di ganz Familie. Sie esch mega süess ond es esch no schön mou för es Joh es chlises Höndli z ha.
heihou steffi, besch ou bi de blogger ;) esch en coole blog ond velli infos aber was esch met dine kollege vo amerika? chönd die alli dütsch ;)
AntwortenLöschennei die chönnd natürlech ned dütsch, aber die erläbets jo au huutnäch metöber ond de länged doch Fotis.. :)
AntwortenLöschen