Pre Birthday Party

Super Obig gha!
Nochemene easy Training eschs ganze Team (18Lüt) zo mer heigange ond de heds Spaghetti, met Salat ond anschliessend en geili Torte gä!
Es send au no mega vell vom Football Team cho was mi mega öberrascht hed.
Alli Lüt send de ei Etage abe gange ond de hemmer es Football Game gluegt ond eifach omegläge.. Aber di meischte send eigendlech gli weder abzischet, wells au onder de Woche esch ond morn weder e Schueltag esch.

Das esch di bescht Öberraschig gsi! Dä hed mine Area Rep extra för mech gmacht. Sie hed au scho de ander gmacht vom Jorden (Cheerleaderin ond Football Dress)

So genial!!!!

Eis cheibe Grense hani droffe done.. Mer esch das emmer chli pinlech wen anderi Lüt mer Happy Birthday senged... :) Ond do send grad mega vell Lüt gse. hihihi

Taya, Ech, Mina, Kym, Sammy, Danae

Wiemer schön of dem Foti gsed send mer alli zemlech sportlech agleid, dass chond defo das mer derekt vom Training e mis Huus send. Mer alli of dem Foti spelled morn zämme em JV Team.

mmmmhhhmm.. De Chueche esch brutal süess gsi, aber super guet! Schoggichueche mettere Zockergossschecht obedroffe! 

Zo dem Beld geds no es loschtigs Gschechtli.. Wie sechs ghört hed niemer döffe afe ässe bevor ech de erschti Bess gno ha (esch mer emu so gseid worde) ond en Kollegin heds au ned tschegget ond vod a.. En anderi macht sie druf ufmerksam ond sie heds vou weder useglo... hahaha das esch so loschtig gsi!

Hope and Kym(berli)

Taya, Jorden, Paden, Ech, Mina

Ein bisschen Spass muss sein :)

Sie zwe em Hendergrond speled ebbe Football ond send auno verbi cho, wahrschindlech ned so wäge mer sondern wägem Football luege. Aber es hed mi natürlech glich mega gfreut si z gseh :)

Mine Gaschtpapi esch etz ebbe chli es coatching vo de Football Jungs igstege.

Wiemer do sehr schön cha gseh leged alli chli omenand ond lueged Football.. Zmetztz onder de Kids setzt mine Gascht Papi.. Wär fendet ne? :)

Volleyball Pictures

Well de Lukas Heller mech druf ufmerksam gmacht hed, dass ech jo no schöni Volleyball Belder hät zom ufelade mach ech doch das grad no..

JV Team

Tayra eusi Passeuse

Ech

Zwöikampf Tayra gäg Onbekannt

Tschagga e Ponkt!

Zwöikampf Steffi met Onbekannt! :)

Varsity Team

Konzentration am Service!

Picture Day

Picture Day e de Winifred-Highschool
Eigendlech chammer dem ned Picture Day säge, well mer eifach e de legschte Schuellektion Belder gmacht hend vo jedem ond aschliessend no Sportbelder vo eusem Team ond es Sportbeld vo mer elleige. Ech be mega gspant wie si worde send ond stelle de secher eis inne sobaud ech si han..


Ech freue mech etz scho ofe Donnschtig, well de dömmer mine Gebortstag vorfire ond de chond eigendlech zemlech mis ganze Volleyteam.

Do no es paar Böudlis vorem Volleyball Training.
Er mönd wösse d Amerikaner möched eigendlech emmer chli Böuder ond wemmer per zuefall grad näbedra stoh esch mer secher au droffe.. :)

Dressing up

De Samschtig esch en super Tag gsi!
Be of de Mettag zo de Mina öbergange ond ha met ere chli welle lere, was mer natürlech de ned wörklech gmacht hend. Stattdese esch d Mina es düschi go mache ond ech näbedra ofem Wc-Deckel am skype :)
Mer send abghout worde vo euserer amerikanische Fröndin Taya ond send zo erem Huus heigfahre.
Er chönd euch ned vorstelle, was das för es riese Huus esch ond wievell Gschwöschteti si hed.
Alli send adoptiert! Ond sie hend e Handvoll chlini Büsis, Höndlis ond Papageie wo eim hallo säged. Ond eri Eltere hend es riese Härz das merksch eifach grad!
Mer hend eusi Sache be ere deponiert ond eus parat gmacht för euses erschte Heim Speli gäge Denton.

Er mönd wösse, wenn s andere Team au spelt dot sechs s zwöite Team emmer chli ufstyle, well mer representiere jo eusi Schuel ond de daf mer ned schlabrig dehär cho. Ond mer hend freud dra gha ond hend so rechtig Mäitschi Haft eus parat gmacht. Met vell Musig em Hendergrond ond vell Hoorspray e de Hoor!

Nochhere esches sowit gseh, dass mer euses erschte Heimspeli gha hend. S ganze Team esch chli chribelig gsi, aber er hed sech mega guet agfühlt! Schlossändlech hemmer de gwonne.. De semmer zo de Taya heigange e Whirlpool ghöcklet onds eifach gnosse onderem wonderschöne Stärnehemmu. Wie scho gseid send eri Eltere mega nätt ond so hends eus en Peannutmelchschake, Pizza ond züg zom Chnabere brocht. So hemmer dä super Tag perfekt abgronded!!

Mis Gaschtmami esch höt e chline Wälpe go abhole.

En Öberraschig för di ganz Familie. Sie esch mega süess ond es esch no schön mou för es Joh es chlises Höndli z ha.

Chorze Brecht

Höt erscht am haubi 10ni heicho vom Volley Spel gäge Denton!

Beidi Teams vo eus hend Denton gschlage ond so semmer aui happy heigfahre metem Bus.

Mini ganz Familie esch go d Games luege ond hed mer em nochhinein gseid wie guet ech gseh seg.

Das fendi scho mega toll do, dass si so sportbegeischteret send ond ned defor zrogschrecked 1h Fahrt en chouf z näh zom es Volleygame go luege!

Das schätz ech ou mega!

Met minere Hostmam hanis au zemlech guet ond met de zwee chline au. Die send mega Süess!

De Gaschtpapi macht e de Schuel emmer Wetzlis öber mech vor de andere :D

Well ech ehn vell z aut igschätz han ond well ech legschti es Badtuech gno ha em Bad wo eigendlech Dekoration wär. Auso er esch chline Spassvogu ame e de Schuel als Rektor, aber au rächt strikt.

Aber es lauft zemlech guet mossi säge! Ech fends süess das d Amerikaner eim Honey, Sweetie oder söscht öbbis nenned. Das hani gärn!

Ond so näbebi, winer vellecht bemerkt hend gods mer bländend!

Es esch eifach grossartig done! Das cha mer glaub ned beschriebe wie wohl ech mech fühle..

A alli wo es Ustusch em Bleck hend. Echt echt ech empfehles vo ganzem Härze traued euch das ond möched dä gross Schrett. Es macht euch nome stärcher.

SHOPPING

Höt send es paar Sache cho woni em internet bstellt ha.
Er mönd wösse do hed mer ned so di riese Chance zom go shoppe drom machi eifach internet Shopping ond das esch genau so vell fun.. :)

Ond do esch no es Beld uftaucht em Facebook... Fascht alli Ustuschschüeler uf eim Beld!

Jo ech weiss selber das ech super usegeh do droffe :P Ech ha chaut gha..

Labor Day

Winifred Fun Weekend

Ech be ittelt gseh zom go schaffe am Samschtig uf di 1 am Ässensstand be de Arena.
De beni nochemene schöne Skype Gsrpöch met de Grossäutere met de Gaschtmuetter abedüset. Ond
det beni scho sehnend erwartet worde. De Simon ond de Samu chömed grat z sprenge ond meined zo mer ech seg met ehne em Team.. Ech vou ned drus cho ond froge jo was för es team genau ond wieso so e stress... Dä sägeds met einere Euphori das ech met ehne zwee e de Sheep Dressing Challenge met debi seg ond das etz de afod.
Ha gar je Chance gha zom mech vorbereite. Be so zemlech drigrüert worde.
So auso ben ech dezue cho, dass mer e Schoof nocheseckled, eis mönd vo ond de es Tischirt allege..
s schwerige gseh esch, s Bei dörs Tischirt z brenge. S Foh hani mine zwe Herre öberloh, ech meine si send schliesslech Football Speler.
Gwonne hemmer leider ned, aber es esch ei riese Spass gseh!

Aschliessend hemmer om die 3h hender de Theke gschaffet ond näbebi chli beobachtet was e de Arena so abgloffe esch. Sie hend zom Bispel Rösser versteigeret, grette of Rösser ond züg abegschosse oder metemene Ross hene ufene Pickup ufegspronge.

Aber das esch natürlech nonig alles gseh vo dem Fun Day. Nenei du.. Nochhere semmer witer gange zo de Main Street. Das esch eigendlech d Hauptstross wo dörch Winifred führt ond die esch astiegend. Ond dete hed de Tour de Franzia stattgfonde. (Bennant nochemene Wii) Es esch drom gange wär hed s schnellschte selberaute Fahrzüg.

Mer hed mösse 21-ii si das mer hed döffe teilnäh ond s Fahrzüg hed ned döffe en Motor ha.

Am beschte luegeder d Belder a ond de gsender grad, dass das nome cha loschtig si. :)

Das esch mis lieblings Fahrzüg gseh.. Sowit ech weiss esch das 2. worde. En Jetski of 

Vierräder das esch doch mou öbbis...

Meischtens god ned ohni en chline Onfall.. Ehm heds nüd gmacht ossert

es paasr Ufschörfige am Arm ond a de Bei..

GO WINIFREDER'S!

Aschliessend as Renner semmer zomene Högel gloffe alli Teenies..

Dete esch e riese Plache usgleid gseh zom aberötsche. Wie mer sech cha denke hem mer ke Bikini oder

söscht öbbis för dä Event debi gha, wells zemlech e spontane Entscheid gsi esch. D Mina ond ech hend zerscht gar ned gwösst öb mer wennd go, aber de hed eus e Wälle vo Abenteuer Drang packt ond mer send as Erschts zämme abegrötscht. S domme esch nomme gseh, dass mer beidi ned e de Metti gseh send sondern emmer meh uf d Site abdriftet send. Legschtendlech semmer Off gseh, em Gras glandet ond enenand inne butschet. E riese Lachnommere semmer gsi. Ech ha mi selber nömme chönne erhole vor lache.. 

Be de aber ned meh als zwöimol gröötscht, well mini Schramme mer mega do hed ond es arschchaut gsi esch.

Ha zwar etz e Schramme am Bei, aber es eschs wärt gsi mou det abezrötsche. Mönder ombdengt au mou teschte. 

                              Do semmer euphorisch druf gspronge ond no zemlech e de Metti gsi!

Do legge mer au scho ufenand ond nömme wörklech uf de Rotschbahn..

Do gsed mer öbbe wievell Lüüt aues grötscht send..

Jo ond done hed de Jorden no mis Tischirt klauet ond agleid. 

Ond aus en perfekti abrondig vo dem Tag hani no döffe be de Mina deheime öbernachte!

Wiemer guet cha gseh esch dä Tag wörklech mega toll gseh ond eifach e onbezahlbari Erfahrig.

Witeri Föteli vo dem Tag:

D Zueschauer vo de Arena

Arbeitsteam

Slide vo witem

D süess Mina ond ech