Poscht

Lazy Dog

Schöne Momänt wemer Päckli bechond..

Fahrstond

Mini erscht Fahrstond en Winifred metem Jeff.

Er hed mech tatsächlech loh fahrem met eim vo sine Pickups. So semmer use es nichts gfahre eifach mou gradus ond ufe ond abe..

Ond natürleh hemmer vell Reh näbebi gsechtet. Aber kes hani omgfahre gueter Glöck. Noch es paar Minute esch es eigendlech zemlech guet gange ond mer send 30 Minute em Züg omegfahre ond nochhere beni no chli go laufe met de Mina.

Möched das au onbedengt meh, eifach chli use go laufe ond denne öbber alles chli rede.

Esch super ond dot guet ond die Landschaft done esch so beruigend ond schön.

Ond etze beni ofem Teppech am legge ond am Blog schriebe.

Ond vorhäre hani no de Jeff ond d Chatz chli gfelmet das ech si au mou chli live cha presentiere..

Big Sandy Tournament

S erschte Wochenänd met Basketball.
Big Sandy Tournament hed am Fritig agfange ond esch am Samschtig witer gange. Ond mer wärde öber Nacht emene Huus öbernachte.
So hemmer gliner us de Schuel chönne ond hend eus of d Fahrt begäbe. Be de Fahrt hani schön chli usegluegt ond ha en Rehhärde gseh ond dänkt das esch ebbe s fantastische Montana, do beni aber us mine Gedanke gresse worde, well d Mauri d Basketball Trainerin ond Bus Fahrerin e mega Bräs hegleid hed. De lueg ech usem Fenschter ond de gseh ech nome das mer e Hersch gschreift hend ond er sech weder am ufrapple gseh esch.
Montana live.. Fascht öbbe jede hed done schomou es Reh agfahre oder esch nöch dra gseh.
Aber ech glaube e dem Hersch heds nüd gemacht. So alles guet!
De hemmer d Fahrt vortgsetzt ond noch knapp 2h Big Sand (name fomene Dorf) erreicht ond eusi Ladys hend es Speli gha.
Sie hend si natürlech besiegt ond so hemmer chönne go Pizza ässe met de ganze Mannschaft..

Mer hend em huus vom Mami vom Basketball Coach gschlofe. Das Huus esch absolut härzig gseh. So met mega vell Houz ond en riese Tannebaum e de Stobe. So es Wenter Ferie Hüsli wördi gärn mou ha.
Mega vell Zässe hed si usegstllet ond so hemmer vou innegässe.

Amerikanische Snack met Brätzelis, M&Ms , Popcorn ond met wisse Schoggi covered

         

Cinnamon Roll

Am Samschtig semmer mega früeh ufgwachet ond de scho weder go ässe.. Eigendlech essisch emmer weder echli. Ond de weder ab as Speli..

Das hemmer de au weder gwonne. Eta fönd d Wochenänd weder a met Games ond das esch guet eso.

                                                                         

Backe backe Zemtstärne

Zemtstärne bache esch ebbe doch ned so eifach wie mer das vorstellt!
Ond das d Bodil eigendlech nie choched ond bached genau wie ech cha jo nome e gueti Idee si oder...
Aber er chönd echt stouz si of mech ond si si, well mers glich ergendwie hebrocht hend ohni ergendwelchi höuf ossert s Rezept. Ond sie hed s erschte mou rechtig guetzlet, so met Förmli ond eso. So hemmer vou euse Spass gha!

Voll em Isatz dänk

Cream an der Nase

Sie send chli am Bläch klebt

S einzige öberläbt hed

S Chörbis Brot esch deför guet usecho

High Fashion in Winifred

De onglaublech super Moment, wenn am guetzle besch ond denne losisch Wiehnachtsmusig ofemene Amerikanische Sender ond de ghörsch plötzlech "Oh Tannenbaum, oh Tannenbaum"
Do hani grad huere freud gha.

Advent Time

Wiehnachtsbaum dekoriere noch de Schuel!
D Bodi ond ech hend sowieso öbbis welle zämme mache ond so semmer grad em rechtige Zitponkt deheime gse zom häufe s Huus Wiehnachtlech z schmöcke.
Sone typische Socke wo d Amerikaner hend zom Gschänkli dritue bechomi de auno!!
Ond vo minere kule Familie deheime esch höts Päckli cho metem Adventskalender.
Danke vell vell mou!

So konterbonti Belüchtig! S Ornament wo am Baum hängt han ech selber gmacht.

Christmas Time

Jeff and me

Clothing

Us dem werd nochhäre en Pyjama Hose! E de Handarbeit hed jede es Projekt ond de chömmer Chleider säuber näie..

So d Wiehnachtszit chond emmer nöchher ond euse Wiehnachtsbaum stod scho e de Stobe.
De Schnee lid dosse, d Strosse send mega rotschig ond d Ferie chömed nöchher.
Enere Woche gömmer of Chreschtboum jagt em Waud.. Mer hend zwar scho eine, aber mer gönd för öbber ander eine go jage :)

Stefanie Live

Ha denkt wär doch mou wetzig, wenn er mech mou chli live gsänd!

Familie Lischte

Das esch d Familie vo mim Gaschtvater de Jeff. Bessergseid sim Mami.. Sie hed 16 Gschwöschteti!

Sie esch d Stephany Lucille hed de au no 11 oder 12 chend bechome ond de Jeff esch glaubes de zwöit ältischt.

Die meischte läbed en Montana! Eini vo de Töchtere wohnt aber en Hollywood Kalifornie. Wär au super wenn mer si mou chönntet go bsueche.

Das erklärt scho einiges das mer s Wiehnachtsässe emene gemietete Ruum möched met om di

60 persone. 

De Jeff - mine super kuul Gaschtpapi