Boyce's Branding

Scho mis 4. Branding hani meterläbt. Etz weissi emu wasi moss mache ond has scho zemlech onder Kontrolle. Klar mängisch geds ganz weldi Cheibe ond de bruechts mängisch chli extra Höuf oder ech moss of die Chäuber ufehöpfe ond si wörklech go wrestle. Es esch ebbe scho herti Arbet. Ond das hani au wörklech a mine Bei agseh nochethär. Ech ha jo wörklech ned gwösst wie fescht ech blaui Fläcke bechome, aber das esch eidütig ned normal... So gross ond blau. Zom Glöck send die meischte etz metti Woche scho weder verschwonde. Aber die grosse send no guet sechtbar. 

Das Branding am legschte Sonntig esch super guet gseh. Sogar d Bodi esch dete gseh ond hed ganzi 5 chlini Chäubli chönne wrestle.

A dem Tag hani jo wohl de gröscht Schock vo mim Läbe gha. Mer send grad met allne Chäuber fertig gseh wone ech mer en Drenk gönnt ha. Ech be zwöschemene Auto ond em Zuun gstande do fönd plötzlech mega vell afo schreie ond es Auto sprenge. Ech has doch zerscht ned tschegged was abgod, aber wo ech die weldi gross usgwachsnigi Chueh grad of mech zue z seckle chond hani nome no eis gwösst. SPRENG STEF SPRENG! Sie hend versuecht mech es auto z zieh aber das esch de scho z spot gseh. Gueter Glöck hanis no rechtzitig wäggschafft. Die Muetter Chueh esch nämlech schön verrockt gseh.

Nochemen chline Herzenfakt semmer gmüetlech go Znacht nä verosse, wells de ganzi Tag scho so schön Wätter gseh esch. Emmer e gueti Sach zom de Tag perkeft abschliesse.

Resultat:

After School Program - Winifred Style

Zischtig noch de Schuel esch natürlech weder emou es Branding agseid gseh. D Familie vonere Kolleginn hed mech metgno ond det hegfahre. Langsam aber secher chomi drus wasi mache ond werde spebschtbewosster met dene Chäuber. Alles esch ribigslos verlaufe ossert es paar neui blaui Fläcke, ond eis Chaub esch gstorbe. Noch härte 4h Arbet ond 300 Chäuber hemmer eus es Znacht verdient gha. Das esch ame no de bescht Part chönne go z ässe.

The Play

Legschti Samschtig Obe hemmer euses Theater "Going sane in a crazy World" ufgführt wo mer scho öberne längeri Zit probt hend. Bevor em eigendleche Theater heds es Dinner gha för d Zueschauer wo aber de meh hesch mösse zahle. S Theater esch en riese Event en Winifred ond öbbe 200 Lüüt send go Znacht nä ond mer hend si serviert. Es hed sogar no Dessert gä för die.

Am sebni esches de los gange.

D Gschecht esch om en Erreastallt gange. S beschte esch jo gseh das es en Iwohner vo Winifred gschrebe hed. Auso em Theahter macht es Felm Team en Dokumentation vo dere Erreaschtaut ond dot de Doktor interviewe met det Zit chond en neue Ensass es Spel. D Muriel es Mäitschi wo sech för d Zahnfee hautet werd dete iglefertet ond fescht ghaute. E de Erreastaut lert si mega vell crazy Persone könne wie de Dracula, Oschterhas, Roboter, Abraham Lincoln, oder en Typ wo meint er seg de imaginary Friend vo Chend. Aber all die send wörklech defo öberzügt das sis send. Die ganz Gschecht esch wörklech mega loschtig ond ech hoffe ech bechome ergendwie en Felm. 

Die ganz Bandi agfühert vom Samichlaus cha sech befreie ond schaffts usezgo..

Die ganz High School hed metgarbeitet ond wells leider ned gnüegend Rollene för alli gha hend ben ech eifach de Chef hender de Bühni gseh. Ech ha ghoufe bem schmenke ond ech ha dä Typ wo en Planze hed selle si mösse verschede schmenke.. ond das alles BACK Stage.

Ech moss säge es esch wörkli schön gseh eifach en Part vo dem ganze z si ond noch de Schuel zue z luege. Das hed mer aso gar nüd usgmacht. 

Ond s Theater esch wörklech e volle Erfolg gseh. Es esch vell glachet worde ond alli hend e cheibe freud a eus gha. 

Nochem Theater hemmer nochli ufgruumet ond de semmer no es betzli go astosse das mer endlech fertig send met dem ond weder frei send. ;)

Newmans Branding

Am Fritig Obe hemmer en Gebortstags Party för en Kolleg gmacht on mer hend döffe be de Jamie DeHaven erem Shoppe go fire. Es esch super praktisch gseh das mer am nöchschte Tag gli hend chönne ufstoh ond zom Branding vo ehne go.

Am 7 beni ufgwachte noch knapp 4 Stonde schlofe ond mer hend eus parat gmacht zom go brande. Aus erschts send d Riter die erscht Groppe vo Cheüh go zämmetribe ond es Getter brenge ond nochhere hends die mösse ussortiere ond alli Chäuber seperat ha. Wenn das gmacht esch cha alles vorbereitet wärde för s actual Branding. D Füür wärde gmacht förs Iise, d Medizin werd vorbereitet, ond d Ohre Tags (blau för Buebe, orange för Wibli) zwäg gmacht. Ech be gfogt worde öb ech wöigi d Ohre Tags mache oder Wrestling d Chäuber. Logischerwis hani welle go wrestle.

Am Afang beni mega onsecher gseh ond ned traut eifach dri z go. Er mönd wösse d Riter dönd d Chäuber foh aber denne mönd zwee Persone goh onds flippe. Wenns gflipped esch ziehsch es ane ort wo chaschs fescht hebe. Eine god a chopf part ond di andere Person zo de Henderbei. Meischtens eigendlech emmer ben ech am Chopf, has eifach ned eso gärn be de Henderbei z si. Nochhere wartisch för all die Shots das s Chaub bechond ond wartisch bes d Lüt chömed metem heisse Ise. Bsonderigs denne mosch es guet hebe ond luege das es ned usschlod.  

De hani mou es zemlechi usschlagendi Chueh gha ond ech ha d Henderbei gha. Ond well ech das wörklech ned vell gmacht ha ond das so usgschlage hed eshc mer s einte Bei us de Hand grötscht ond es hed mech ed Stern kickt. Em erschte Momänt beni eifach mega verschrocke, aber ech be mer bewosst gseh mer mönd das etz no fertig mache, well mer chas ned lo go. Alli om mech ome hends gseh ond beförchtet mer göigs etz ned guet. Mer esches super gange ech ha en chlini Bühle, aber au ned weklech me. Weder emou Glöck gha Steffi.

Aber ech ha wörklech vell glehrt a dem Tag. Die Erwachsne send mega helfbereit gseh ond mega vell Tips gäh. Ond gäge Schloss hanis wörklech ned schlecht em Greff gha.

Mer hend de aber scho am 3 mösse go well a dem Obe hemmer no d Theater Uffüehrig gha.

Ech ha wörklech harti Arbeit gleischtet dä Tag ond es paar blaui Fläcke defotreit. Was ech ned gwösst han, Mer wärde sogar bezahlt förs häufe. Debi chasch de ganz zit gratis Getränk ha ond am Ändi geds emmer no es Znacht. Auso absolut ned nötig.

Branding esch mini absolut Lieblings Beschäftigong worde