Prom 2013

Ready for Prom! Hoor ond Nägu lo mache, s Dress, d Schue, de Schmock hani, ond ufgregt beni. Well de Bodi eri Gaschtmuetter Angie eusi Hoor hed gmacht beni öber Nacht be de Bodi go schlofe. Das mer fit gseh send för de grossi Tag semmer zemlech früeh es Bett. Am Morge semmer am haubi 9 ufgstande das mer gnüegend Zit hend zom dusche, Hoor mache, schmenke, ond Dress alegge. 

D Angie hed wörklech chönne zaubere. Die Frisur wo si gmacht hed hani so wonderschön gfonde! Sie 

hed zirka en Stond deför brucht. Sie hed alles öbbe drümou met vell Hoorspray fixiiert das jo nüd kabott werd go. Ond tatsächlech hed alles tip top ghebt. Ech ha d Frisur sogar no am nöchschte Tag gha. Es hed meh usgseh wie es Vogunäscht aber es hed glich haube ghebt.

D Sammy ond d Taya send use gfahre zo de Bodi erem Huus zom eus go abhole ond eus zo de Taya brenge. Die beide hend no ke Chleider agha ond hend no mösse fertig wärde met all de Schmenki. E de Taya eres Mami hed eus wonderbare Ice Kaffi gmacht während mer gwartet hend. Eigendlech hätte mer jo welle go Föteli mache met eusne Dates befor mer of Lewistown gfahre wäre, aber well die jo as Branding gange send am Morge esch us dem natürlech au nüd worde. Mer hend ned mou gwösst wie sie wärde of Lewistown cho, aber mer hend etz denne eifach mou vertraut. De hemmer haut es paar Fötelis gmacht nome 4 pretty Girls. Die Belder werdi de no spöter becho.
En onerwartete Aruef esch cho ond eus esch abote worde met de Stretch Limo a Prom z go! Mer frogt sech natürlech wär en Winifred en Limo hed ond för was. Eine wo do wohnt hed eifach freud a dem ond chas emmer weder för so Aläss gebruche.  Natürlech hemmer do ned lang öberleid ond zuegseid! Mer send 7 Persone det denne gseh ond es esch eifach nome loschtig gseh. Mer send zom Trade Center en Lewstown gange. Mer hend e Termin gha för professionelli Fotene met em Date ond Groppe Belder. Noch dem semmer go Znacht ässe. Ech be wahrschindlech s belligschte Date gseh för ehn. Ech ha ned wörklech honger gha ond de hani nome Curley Fries gno. Ech ha ehm ganz 3 Dollar koschtet förs Znacht. Dä Cheib cha jo froh si.

Entlech fod de Prom a. De Big Event esch de Grand March. Alli Schuele laufed nochenand emene Chreis met erem Date ond de presentiersch dech so z säge. Jedi Schuel hed chönne e Song för das uswähle. Euse esch gseh "I love it " from Icona Pop. Die meischte Eltere send dete gseh för das ond hed wie weldi Belder gmacht. After the Song esch done werd de Prom Queen and Kind fo de Schuel bekannt gä. För das hemmer chönne legscht Woche abstemme. Well mer nome 1 Senior Maa hend esch es klar gseh das ers werd wärde. Aber es esch emmer es Chopf a Chopf renne zwösche de zwee Girls. Das johr esches de Luke ond d Shelby worde. Sie hend wörklech super usgseh.

Während die andere Schuele gloffe send, send mer vell vell vell Föteli mache. 

Ond nochhere hemmer eifach no de ganzi Obe döretanzed. Leider ben ech ned of die gueti Idee cho mini Schueh abzzieh ond so hani de nöchscht Tag riese Blotere a de Füess gha.

Mer send so om die 11 heigange, well a lli send wörklech mega müed gseh. Mer hend de eusi Dates met de Limo heigno. E dere chline Limo met 9 Persone esch no zemlech e spannendi Sach gseh. Ech ha eifach schön chönne alehne am Simon ond schlöfele.

Ech wörd meine das esch de mou e glognige Tag gseh. All dä Stress ond all das ufbrätzle hed sech ebbe doch glohnt. Ech ha mech mou ei Nacht lang wörklech wie en Prinzässin fühle. Es esch de ned so eifach met somene Dress z tanze. Mosch emmer luege das niemer of dis Chleider stohd wells eso lang esch. Aber ech moss säge ech ha das zemlech guet gmeischteret.

Es hed mer of jede fall wörklech super guet gfaue! Be etz scho gspannt wie die professionelle Belder wärde usecho..

My first Branding

Etz beni komplett Igweiht es normale Montana Läbe. Legscht Donnschtig hed euse Are Representative Marietta Boyce e Teil vo erene Chäuber lo brande. Das meint so vell wie die bechömed metemene heisse Eise e Schtämpfu ofs Henterteili.
Die meischte send scho gliner us de Schuel gange om go häufe, ond ech ha denkt ech go gar ned, well fascht ke Girls met send. D Jolene mini Gascht Mam hed mech de doch metgno ond ech ha das of ke Fall bereut. Ou wenni grad erscht e Tag befor em Branding mini Nägu ha lo mache, dass hed mech ned bagschreckt z häufe.
Am Afang han ech jo gar ke Ahnig gha was ech etz genau sell mache, aber de beni schnell dri cho. Zerscht hends die jonge Chäuber mösse vo de andere Chüeh trenne. Em Ghägi send am schloss all die Chäuber gseh ond es paar Riter met Rösser. Die Riter hend met Ropes die chäuber a de Henderbei chönne foh ond de hende nochezieh. Das esch de Momänt för zwee Persone wo du mosch zo de Robe go ond s Chaub omdreie ofe Rögge. S ged verschednigi Arte das z mache. Die meischte packed de Schwanz vom Chaub zoms häufe chere oder ebbe a de Rope. Wenns Chaub dreiht esch go öbber zom Chopf ond die ander Person zom Henterteili. Ech ha ame de Chopf gno. Ech ha das lieber wenn ech Kontroll öber dä han. Ond de bruchts eifach Chraft das du das Chaub onter Kontrolle hesch, wenn es 3 Empfige bechon, d höufti vom Ohr abgschnette werd (das macht aber ned jede Chue Bsetzer glich, ond  de au das Bluet a mine Hose) ond am schloss no branded. Wenn das heisse Ise of d Huut chond verbrönnts Hoor ond Huut. Jedi Familie hed es anders zeiche! Ech cha mer nome vorstelle wie weh das moss due. Drom a dere stell moschs bsonderigs guet feschthebe oder es werd dech kicke.
De Samu ond de Fred hends a dem Tag au zom erschte mou gmacht ond drom sends au nonig eso güebt gseh. Ond de esches passiert, sie hend s Chaub of de fausch Site gha. D Chäuber hend verschednigi farbe vo Ohre Chips wo mer gsed welli Site vom Henterteil branded werd. Ond de hends es mösse chere.. Aber de einti hed nonig s rechtige Bei e de Hand gha ond de andere hed scho afo dreie ond de hed das Chaub em Fred e Kick e  Onderchefer gä. Ond ech ha das alles vo nöchem gseh.. Er stohd uf ond lauft wäg. Natürlech beni em noche. Es hed ehm mega mega weh gmacht! S dot ehm etze no weh, aber ech glaube es hätti schlemmer chönne cho. Glöck gha!
Ech moss wörklech säge. Ech liebe Branding!!!!
Es esch e Social Event, öbbe alli send dete ond häufed. S werd am schloss au no zämme gässe. Es esch eifach mega vell Spass ond entlech beni för öbbis z gebruche. Ech werde ganz secher weder debi si am nöchschte Branding.
Mer send de erscht am haubi 10 weder deheime gseh.

Ich hab die haare schön

Weder emou en chlini Veränderig vorgno. Wells etz de gli jo Prom esch hani mer denkt ech sett weder emou öbbis met mine Hoor go mache. Höt noch de Schuel ben zo de Donna gange ond sie hed mer Highlights gmacht. Etz beni aber es rächts BLONDIE..

Jo momentan geds ned vell grosses z brechte. Onder de Woche hani ganz normal Schuel ond a de Wochenänd send ame so z säge Parties. Aber ned wie deheime.. Do möchemere es Lagerfüür ond hend e gueti Zit.

Nöchscht Samschtig esch de Prom ond d Vorbereitige send of Hochtour. Geschter hani a de Dekoration garbeitet ond planed met wem mer gönd go ässe. Bes etz semmer e Groppe of 9 Persone ond wärde em Harrys Place en Lewistown go ässe noch dem mer de Foti termin gha hend. Dete wärde mer es Klasse Foti go mache. Am 8i esch de Grant March ond de laufed mer met de Schuel ond sim Date emene Chreis zonere Musig wo eusi Seniors usgwählt hed. Ond nochhere hed mer no e Dance met sim Date.

Er chönd gar ned glaube wie ufgregt ech ben. Ech werd am Fritig be de Bodi schlofe ond de am Samschtig dömmer eus zämme parat mache ond erei Gaschtmam macht mini Hoor. Sie esch en Coiffeuse. So alles esch tip top planed ond de Smaschtig cha cho. 

Gueti Zite

Es lauft eifach alles so super right now. De Früehlig chond langsam weder use ond mer fühlt eifach besser. E de paar legschte Täg hani chli agfange noch de Schuel met enere guete Kolegin Rayann ond es paar Jungs chli abzhänge. Mer send veruse go höckle ond eifach s Läbe e volle Zög gnosse. Oder d Rayann ond ech gönd eifach ame met erem Auto chli go omedrive. Oder eifach ofem Bett lege met ere ond rede. Das gniessi ame so.

Ond eifach söscht gods mer eifach sehr sehr guet! Ech ha so gueti Frönde done, wo ech sehr vermesse werde. Ech be parat die legschte zwee Mönet no so rechtig z gniesse!!

Chum z glaube das ech echo chli me als 8 Mönet wäg vo deheime ben. Onglaublech schnell esch das etz gange.

Enjoying the Spring Sun

Entlech chond de Früehlig ond mer cha weder usego. Wenn ech d Sonne nome scho gseh esch mini Stemmig so vell besser. E de legscht Stond vom Tag hemmer e de Schuel momentan Fotographie, ond wells eso schöns Wetter gseh esch (20 Grad Celsius) hend mer Football gspelt ond ech be dene nochegsecklet om Föteli z mache.

Legislature Trip in Helena

Legscht Zischtig noch de Schuel semmer noch Helena gfahre a de Legislature Trip.

Momentan werd em Capitol of Montana State besproche wege de Wasserrecht around Winifred. Ond drom esch en Helena en Ahörig gseh. Eusi Gschechts Lehrerin hed das no spannendi Sach gfonde för eus go loose ond so send d Juniors and Seniors a dä Trip gange.

Am Zischtig Obe hemmer als erschts em Hotel Super 8 ichecket ond Pizza bstellt. After that semmer ad 10:00PM Kino Vorstellig gange vo The Croods 3D. Mer hend s ganze Kino nome för eus gha ond eifach chöne d Setz uswähle wo mer hend welle. De Föum esch super loschtig ond chani nome witerempfähle.

An nöchschte Morge send mer enes Museum, e ne wonderschöni grossi Kathedrale, ond go Zmetag ässe em Subway. Das alles hed de ganz Morge brucht ond de nochhere esch en Rondgang gseh em Montana State Capitol. So z Säge s Bondeshuus wo all die Entscheid vom Staat gfällt wärde. Aber do en Montana esch das ganze zemlech offe ond du chasch eifach a die Hörige go ond die Senät go luege wenn sie Entscheid fälled. Es esch wörklech e mega Güte Idrock gseh ond mou z gseh wie das so ablauft. Noch ere vell z lange Tour esch die Ahörig gseh. Es paar vo Winifred gseh wo sech bereit gstellt hend e Bitrag z leischte ond e chlini Red vorem Senat z halte. Das esch de aber au öbbe s spannenschte gseh. Es eshc so e lange Tag gseh ond alli send müed gseh.

Esch äbbe glich öbbe e 4 Stond Fahrt det he gseh. Aber alles e allem esches e mega super Trip gseh wo mer Spass ond Schuelischs hed chönne verbende!!

Hanging out with Taya and the Prom Meeting

Dä Samschtig beni wie öblech e mim Zemmer gseh ond ha mini Serie am Computer ghocket. Näbebi em facebook ond de hani denkt etz möchti doch öbbis onternäh, well ech eifach so en onternämigs Drang gha ha. D Taya e Kollegin wo en Town wohnt hed sehr spontan zuegseid ond esch mech deheime metem Auto go abhole. Nome scho wenn mer Foreigners ame vo de Schuel zom Store wend laufe send d Amerikaner vou gschockt: "Was du laufsch!" ond de fahred z dech ame hin ond här. Ha jo total nüd degäge, aber esch schochli öberdrebe, fendeder ned?
D Taya ond ech send e ere Hot Tube ghöcklet.. Dosse esch Schnee gläge ond brutau chaut ond drom esches grad nomou dopplet so guet gseh. Nochhäre hemmer Glace gässe ond eus 2 gueti Felme innezoge. Das nenn ech mou en glongne Samschtig Nommitag. So om di 7 hani denkt ech sett weder emou deheime erschine.. aber well dete e nie öbbis grosse ablauft hani scho weder Plän för de obe gschmided.. Di meischte Kids send das Wochenänd weg gseh ond hend anderi Sache z tue gha ond vo dem her hed ke Party oder ergendöbbis derglich stattgfonde.. So beni eifach use gange metem Fred ond em Simon. D Taya hed eus iglade weder e ere Hot Tube z hocke ond eifach de Obe z gniesse. Das hemmer gmacht ond e totau guete Obe gha. Zom dä gueti Tag abronde hani de no doffe öber Nacht be de Taya schlofe.

Am Sonntig esch es Prom Meeting gseh en Lewistown. Well eusi Schuel so chli esch ond anderi Schuele e eusem District au möche mer de Prom emmer zämme. Es send 10 Dörfer. S Motto vo dem Johr esch: Casino Night. Ech fends es zemlech super Motto ond be scho vou gspannt wie mer das de dönd dekoriere. Jedes Johr dönd d Juniors das ganze Dekoriere e tag gliner ond chönd us de Schuel go för das ond d Sophomores dönd das ganze de weder versorge am Sonntig Morge.
A dem Meeting hemmer eifach mou entschede was mer alles för Sache bruched zom Dekoriere ond welli Schuel för was zueständig werd si.
Weiss ned öb echs schomou erwähnt ha neume, aber de Fred de Ustuschschüeler vo Schwede hed mech för Prom gfogt.. A eusem Prom machsch de Groppefotis met dinere Klass ond dim Date.. Ech freu mecg etz scho mega före Prom. Sech parat mache för e Obe met Kolleginne ond de go ässe met ere grosse Groppe ond eifach mou wonderschön usgseh.. Oders wenigschtens probiere :) SO EXCITED! Etz fohni de wahrschindlech auno afo brüne för Prom.

Ah ond jo sett legschter Woche hemmer agfange s Theater z Probe. Es god om e Psyachtrie ond e Guy fo Winifred hed das Stöck gschrebe. Es esch so loschtig ond ech freu mech etz scho wenn mer das dönd uffüehre. Mer Ustuschschüeler hend ned grossi Part aber das macht eigendlech nüd.. Nome scho debi z si esch so loschtig. Mer hend jede Tag noch de Schuel 1h Prob.. Am 27 April werde mer das uffüehre.

Höt esch weder mou sone Momänt gseh wo ech eifach realisiert ha.. Das nöm vell öbrig esch vo mim Ustuschjohr ond das es eifach scho wonderschön done esch.
All die Fröndschaft woni gmacht ha ond so vell wie ech glachet ha.. Es esch eifach so super ech ch das gar ned beschriebe!!
Winifred esch s beschte wo mer hed chönne passiere glaubes mer!