Pumpkin carving

De Mina ere Gaschtvater hed mer extra en Chörbis of d Site do ond höt beni be ehne verbi gange om ehn uszhöle ond es kuuls Moschter usezschnetze!
S Resultat esch eigendlech zemlech kuul worde förs erschte mou!!
Ab etz möchti das jede Johr mache. Es god eigendlech rächt schnell ond es esch loschtig!

S Moschter zerscht mou ufkläbt 

Alien Chörbis

Mine, Minas, Kristins, Ethans

Ethan metem Chörbis am posiere

Troubles in the Winifred Highschool

En Ufruhr e de Winifred Highschool.
Nichts ahnend semmer höt alli normal ed Schuel cho, metemene Pjama a (well weder Dress Up Woche esch) ond wie jede morge d Pledge of Allegiance uf gseid.

Aber höt send notch dem de Superintendent ond mine Area Rep. es Klassezemmer cho ond de heds plötzlech gheisse. "Zeiged alli mer euchi Händ ond gäbed mer alli euchi Elektronische Grät. Am Endi vom Tag wärdemer sie euch die de weder zroggä. Do hender Chläbi woners chönd aschriebe ond nochhere gäbeds alli mer ab."
Natürlech mer alli mega verwerrt ond hend grätslet was do genau abgod. 
Dör de Tag send emmer weder Lüt es Büro grüeft worde ond noch Sache befrogt worde so wie echs ghört ha.
Ond ez zom Liecht es Donkle brenge. Sie hend alli Grät igsammlet, well anschienend ergend e Muetter oder Vater aglüte hed ond öbbis gseid heig vo wege Nacktbelder seged em omlauf vonere Schüelerin. Ond well ergendwie jede Schüeler am afang vom Johr e Zettu onderschrebe hed, wo seid das sie d Files döfe dörsuech of de Grät, hend sie eifach mou alli igsammlet ond d Sache dörecheckt ond zom Teil ou met de Schüeler zämme.
Auso ech fendes eigendlech e zemlechi frächheit das die das döffe mache. Ech meine das esch eusi Privatphäre ond die gönd do eifach das Züg go dörchsueche. 
Ech ha mis Züg praktisch nie met e de Schuel also ha ech au ke Problem gha.


Es paar send etz no zuesätzlech wäge andere Sache dra. (Zom Bispel hend es paar lösige vo Ufgabene e de Schuel of erene Ipads gha)
So gsed mer doch, dass so Züg sogar em chlinschte Dorf passiert.

So auso weiss etz öbbe die ganz Schuel welles Mäitschi Nacktbelder vo sech e zwöi Jungs gscheckt hed ond das die si ned nome för sech bhalte hend ond sie offesechtlech of erene Ipads gspeicheret hend.
Ech glaube öbbis pinlechers geds wohl ned. Ech möchte of ke Fall e erere Huut stecke.
Ond etz hend die 3 glaubs ergendwelchi Problem.

Riding

Entlech beni mou go rite!
Mer send go häufe vonere andere Familie go d Chüe zämme tribe.
Ond das hemmer alles met de Ross gmacht. Aber es esch ned nome grad us gange, nenei es esch ufe ond abe gange ond das mega steil. Mis Ross hed "Sugar" gheisse ond hed eigendlech emmer loscht gha z galoppiere. Am Afang esch dä Cheib schön met mer döre gange. Aber je länger ech ofem ghocket ben desto besser esches eigendlech gange.
Schlossändlech semmer ebbe 5 Stond omenand grette bes mer alli Chüeh gha hend.
Es esch eifach wonderbar so frei chönne omerite!

Volleyball District Tournament

D Tournaments hend begonne.

Super Sach esch das, mer hend ke Schuel, es esch e mega spannendi Aglägeheit ond mer hed puuri Emotione.

Am District Tournament cha jede starte ond de chömmed emmer nome di beschte witer. Am Donnschtig send die erschte Speli gseh. Es esch so super gseh, dass euse ganz Bus dekoriert gseh esch ond jede Speler e Tüte met Trenke ond Ässe becho hed.

Am erschte Tag hemmer no zemlech locker. Aber well zwösche denne zwe Speli e Ewigkit gseh wär zom warte. Semmer enes Huus zo einere gange vo Denton wo sie könnt hend vom Gägnerteam. Ech fende das so super a de Amerikaner, dass si so offe send ond eifach mou schnell öbber 12 Lüt es eigete Huus iladet ond de no Cookies zorferüegig stelled. S Huus esch reisig gseh ond es Wohnzemmer hends gha woni scho emmer ha welle. Mega vell Sofas on dalli usgrechtet zomene Fernseh. So hemmer dete Pizza gässe wommer send neume go hole, Färnseh gluegt ond eifach omeghänget.

Wasi au mega super fende; Das mega vell Lüüt vo de Schuel chömmed zom eus go onterstötze.  Sie wärded emmer extra emene Bus au det he gfahre.

Was mer gseid worde esch; D Basketball Tournaments send öbbe 3mou grösser ond die mönd deför of Great Falls ond Lewistown verleid wärde, well sie so vell Platz bruched. Det esch pracktisch jede! Ond es esch e riese Event. Do beni jo mou gspannt.

Ond höt hemmer es rechtig rechtig taffs Game gha gäge Harlowton, Das Team hed öbbe die lütischte ond beschte Fans woni gseh han. Sie send metere eigete Band cho wo ame e de Pausene gspelt hed (was agäblech de normal seg e de Basketball Saison, aber eher ned so normal för Volleyball), emmer vou agführet, ond ech glaube öbbe di ganz Schuel esch dete gseh zom ontersötze.

Leider hemmer das verlore ond das hed gheisse leider doch nome 2 Platz am District Tournament. Aber wenigschtens en Trophäe gwonne zom hei nä! Ond so be au ech verewigt e de Winifred Highschool,

Jo etz beni scho es paar Täg e mim neue deheime ond es gfallt mer wörklech rechtig guet done. Min neu Ruum esch rechtig süess ond d Familie erscht rächt.

Morn gömmer go rite. Sie hed öbbis gseid vo es werdi ufe ond abe goh, aber das werdi jo morn gnauer gseh! Erscht sett chorzem amene andere Ort ond es passed mer schograd nomou meh en Winifred. Ech liebes do z si!

Chochi

Stobe

   

d Bodil ond d Steffi hend freud am Föteli mache

 Tropäe!!!!!!

de Boots                                                          District Shirt

d Maggie de Border Collie

Change

Wahrschindlech hätted er das nie denkt ond es chond mega plötzlech för euch Läser, aber ech ha höt Obe mini Gaschtfamilie verloh ond wohne etz mou voröbergehend be minere Volley Trainerin.
Wies zo dem ganze cho esch hed natürlech en Vorgschecht also,
Scho am Afang ha ech mech ned grad mega geborge gfühlt, wöu d Ufmerksamkeit of allem andere gseh esch ond ned of mer. Ech wott etz do öberhaupt nüd schlächter rede als es gseh esch wörklech, aber ech ha mi eifach nömme wohl gfühlt. Ech be komplet en anderi Person gseh. Ha mech ned frei entfalter gfühlt.
Ond das eifach vorallem wägem Gaschtvater. Es hed völllig ned passt. Er hed mer ehner angscht gmacht als söscht öbbis. Er esch en Person wo mer gärn hed oder ned!
Ond vor paar Täg hani mech vor de Mina ond erere Gaschtfamilie göffnet ond die hend mech guet onderstötzt be dere Sach. So das ech zo minere Vertrauensperson vo Sts gange ben ond met ere gsproche. So hed das alles sin Lauf gno ond höt beni öbberromplet worde nochem Training, dass ech etz met ere heigöig go ässe, well d Marietta (Are Rep) met minere Familie am rede sig.
Nochemene guete Stöck Huehn ond e Härtöpfu semmer weder zrog ad Schuel ond dete hani met minere Gaschtmuetter es Gspröch gha.
Es esch eigendli zemlech guet verloffe, esch aber scho ned eifach ere z säge das ech ned so met erem Maa klarchome. Sie esch glaubs scho zemlech troffe gseh, heds aber glich chli verstande.
Sie säuber hed gseid, dass er haut vell chli als en Tobel cha öbercho för anderi wo ehn ned rechtig könnet ond das mer ehn haut mössi könnelehre. Wahrschindlech semmer eus eifach beidi ned sympatisch ond send bedi ned ofenand zuegange.
Ech ha e gueti zit gha met mine chline Gaschtgschöschtete, aber es hed eifach för mech ned gstomme dete.
Ond so läbi etze mou secher för veröbergehend bes en anderi Familie ome esch done be mim Volleyball Coach. Sie ond Ere Maa send mega lieb ond au d Chatz ond de Hond hani grad es Härz gschlosse. Ond jo so eschs wies grad om mech stod!
Knallhert ond ehrlech gseid. Ond es god mer etz scho vell besser done, well die eifach wössed wie omgoh metemene Ustuschschüeler. Sie hend sett 10 Johr emmer weder es paar.

Neue Ruum för es Zitli

Elk Hunting

Let's go shooting an elk.
De Mina eri Gaschtfamilie hed mech metgno of d Jagt nochemene Elch.
Mer send secher om die 2h omegloffe, de Spure vo dem Elch noche.. Mer send nöch dra gseh, aber hend ne de legschtändlech ned verwötscht.
Glich esches öbbis neus gseh ond hed mer Freud bereitet!!

Am warte bes entlech en Elch uftaucht

Alles vod afo normal wärde

Zit lauft au.

Denkes emmer weder! 

Mer gniesst de Alltag ond eim chond die afangs komische Sache zemlech normal vor.

So paar Sache wo mer ufgfalle send. De Duschchopf chasch eifach ned verstelle ond mer hed eigendlech emmer s Gfühl das no Shampoo e de Hoor hesch, well s Wasser ergendwie so seifig esch. Etz merkis eigendlech nömme so, aber bem erschte mou beni schochli verwonderet gseh.

De Sport stod do eifach zemlech als erschter Stell. Ha ab ond zue wörkli s Gfühl ehne esch das wechtiger als d Schuel. Ond es esch wörklech zom Teil meh Ustur Training asls öscht ergend öbbis anders! Aber au dete chonsch met de Zit dri, dass jede Tag 2h Training hesch ond jede Wochenänd es Speli. Au das mer zo dene Speli rond 2h moss fahre esch normal.

Basketball werd de nomou dopplet so hert, well mer dörs ganze Speli jo moss renne. Demnoch werd aus Ustur training herter.

Jedes Znacht esch warm! Mini Gaschtmuetter choched emmer frösch was jo eigendlech ned selbschtversändlech esch e Amerikanische Familie.

Ed Schuel gohni eigendlech meischtens met Trainerhose ond es T-shirt, wells eifach bequemer esch ond ned emmer blödi Spröch chömed vo wege ech gseh scheisse us met skinny jeans.

Fascht jede Schüeler brengt am Morge sine Kaffi met. Es esch erlaubt e de Klassezemmer z trenke ond z ässe.

jo si hed violetti Hoor ond mer hend eus gärn!

Do mini Gaschtfamilie en Billing esch bes am Sonntig läb ech momentan be de Mina.

Mer hend 4 Täg frei ond mer chönd entlech mou chli omehänge, obwohl mer jede Tag Volleyball

Games hend.

Ond mini Gaschtfamilie hed alli Töre zom erschte mou abgschlosse ossert di einti e de Garage, dass ech inne chan wenn ech wott.

Also so sem mer geschter go Sache go hole ond gange. Doch höt morge esch eifach die Töre zuegseh. 

Ech ha cheibe Krise becho, well ech all mini Volleyball Sache e dem Huus ha ond ech sett spele.

Jedi Cheibe Töre hemmer usprobiert, aber leider kein esch ufgange. Mer send scho chorz befor gseh zom ergend es Fenschter z maipuliere zom innecho, aber de semmer lieber zom Store abe eus e Smoothie go chaufe ond aschliessend ed Poscht go chli d Prise usezfende zom Sache schecke.

E de Frau wo dete schaffed hani die ganz gschecht verzellt ond sie hed ere Maa aglüte.

Er schaffed ame a de Schuel ond hed velelcht e Schlössu förs Huus, well das Huus wo mer läbed ergendwie zo de Schuel ghört.

So semmer weder zrog zo de Schuel er hed alli Schlössle usprobiert, aber kene hed passt.

Zom Glöck hed en Schlossöffner grad det gschaffet (per zuefall) ond er heds chönne öffne!

GUETER GLÖCK!!!!!

So esch de Tag doch no guet worde ond hend chönne de Match go luege.

Det hani di Dütsch Ustuschschüelerin weder troffe vo Melstone! Sie esch super lieb ond mer plane mou öbbis zämme z mache.

Mina (Norway), d Gross Michelle (Germany), ond Ech 

Es Team Ässe hend mer au no gha. 

Ond nochhere hemmer Teams gmacht en Lischte becho met Sache wo mer hend mösse sueche ond de hed das Speli agfange.

Es esch au loschtig gseh. Mer hend mösse amene öffentlech Platz Macarena tanze ond das felme. So semmer abe ed Taverene ond hends tanzt.

Paar Bispeli för Sache wo mer hend mösse fende:

E Stei en Härz Form, Zitig wo meh als 2 Woche alt esch, Fädere, es Beld vo 2 usem Team enere Hondehöttte, Wiehnachtscharte, Lego, Mormle, öbbis natürlechs blaus, Frocht, bruchti Briefmarke, Stöck vomene Chäs. alli trenked usemene Getränk zämme met Röhrlis ond es Beld mache, Visitechärtli, ond witeri Sache woni vergässe han..

Domm esch nome gseh, dass euse Sack es Loch gha hed ond mer paar Sache ofem Wäg verlore hend. 

Official in the Varsity Team

Mine Coach hed mer höt mis neue Trickot öbergä.

Es esch eifach de Börner! Ha nonie so es schöns Dress gseh!!

Be öberglöcklech das si mech wennd debi ha. Die Woche send mega vell Spelis. Vom Mettwoch bes am Samschtig jede Tag Games. JV chani vou spelle ond be de Varsity doni eifach s Dress alegge, iwärme, zo de Nationalhymne ofem Feld stoh (wasi rächt kuu fende), ispele, ond de Bänkli wärme. D Trainerin hed bes etz no ke Ufstellig usegfonde zom mech ibaue. Aber ech be scho 

mega mega happy, wenn ech nome das Dress daf aha. Das macht mi mega stouz ond ech be em Team entegriert.

Öberzüged euch selber wies Dress usgsed.

Auso ech cha nome schwärme! Ech fends wonderschön <3

Jep, ech ha zemlech freud a dem Trickot!

Ein Aufstieg

Ech ha geschter es Einzel Gspröch gha met de bedne Coaches.
Es esch s zwöite Mol gseh ond de hani mi schochli gfrogt obi öbbis agstellt han..
Sie so als Scherz jo mer hend erfahre dass du Droge nehmsch, Alkohol trenksch ond Auto gfahre besch. Ech denkt hoppla! Aber es esch jo nome en Scherz gseh.
er mönd wösse e 2 Woche fönd d Tournament a wo Abfange werd z kämpfe om Tetle! Ond det god ebbe de nome s Bessere Team.

Ond sie hed mer gseid, dass ech metem Bessere Team (Varsity) cha metcho!
Sie gäbe mer e Uniform för das Team. Ech selli etz eifach nomou alles gä ond de chani metgo!
Esch das ned mega super. Ech has mer so fescht gwönscht ond etz chani metgo! WUHHHUUUUU!


S Wätter esch vou am omespenne. Geschter heds no gschneit ond hät werds weder om di 20 Grad. Do chasch s Wätter eifach ned wörklech vorussäge. Aber das es nonig grad Wenter werd stört mi aso scho ned eso!

By the way

Das esch euses Gfährt gseh.
Ofem Blaue Poster esch Outlaws e Finnisch, Dänisch, Norwegisch, Schwedisch ond Dütsch öbersetzt. Ond hende droffe zwe knackigi Gaschtvättere am d Renegades (Gägner) brötle.

Outlaws People

Homecoming

Am Fritig hemmer praktisch kei Schuel gha, well mer d Zit hend mösse nötze zom alles dekoriere.

Mer hend Plakat för euse Float gmacht. D Floats send Wäge (Autos) womer dot gestalte ond nochhere werd gvotet welles s bescht Fahrzüg esch.
Noch de Schuel hemmer no chorz Training gha ond aschliessend es Chilli Feed. De hemmer chönne vöu Ässe ond das esch grossartig nochemene Training so wies do esch.

De hemmer en Taläntshow gmacht. Aträte send eifach aui eusi Teams. Inklusiv eusesm JV Volleyball Team ond hend chlini Sache ufgfüehrt.

Eusi verröckte alte Cheerleaders. Osse Lenks esch mini Gschechts Lehrerin

Alli Outlaws Speler vo Winifred ond Roy

Süessi chlini Cheerleaderin

Homecoming Football Game

Ond so esch au endlech de Homecoming Tag vor de Töre gstande. Mer hend s erschte Mou chönne vou es Football Game vo eusne Jungs luege. Ond wells Homecoming gseh esch hemmer vorhäre d Football-Jungs om eres Zwöit Trickot gfrogt. Jede wo eis gha hed esch eifach mega stouz of eusi Mannschaft. Er glaubed gar ned wie lang ech eis gsuecht ha, ha fascht scho ufgäh de hani 2 gha vo de zwöi chlinschte em ganze Team. Ha scho dete denkt, jo nei etz hani sogar zwee, aber ech werd e ned innepasse. Zom Glöck aber am nöchschte Tag chond e grössere, ältere so en art Bärri zo mer. Sine Name esch Payton ond esch schomou e mim Blogg uftaucht met sim Ugly Pulli ond frogt öb ech emmer no es Trickot suech, well niemer sis heigi chöing echs ha. Ond so hani schlossendlech 3 gha woni ha! Ond so eschs as verteile gange, alli wo kes gha hend hend de vo mer eis becho. Auso vo gar kes zo drü. Gueti Arbet!

 Eusi Jungs hend sech wörklech sehr guet gschlage am Speli, aber leider mega knapp verlore.

Football esch mini neu lieblings Sport! Es esch mega kuul zom luege ond zom afüühre.

 Red Raiders - Outlaws

GO OUTLAWS BOYS!

Go Tucker

 

Super Catch von Tucker

E de Mina erem Gaschtvater sis alte Trickot!

Hätti chönne uslehne wenni kes me gfonde hätti.

E de Haubzit vom Football Spel send no alli Prenzässine ond Prenze, Königinne ond Könige krönt worde.

Esch mega schnell gange, well nochhere grad weder s Speli witer gange esch.

E de Metti di zwee Königinne ond ossedra d Prenzässine

Prenzässin Randi ond Prenz Lee

Alli Kanidate för die ganz Sach

Ond am Obe hem mer ond s bessere Volleyball Team grad auno verlore ond so send eifach grad alli zemlech am Bode zerstört gseh.

Ond dezue hed sech au no e gueti Spelerin verletzt a de Bänder vermuetllech.

Aber zom Glöck hemmer nochethäre de Ball gha. Aber de Ball esch eifach öbbis vom belligschte gseh woni je gseh ha. Es esch zwar loschtig gseh ond so, aber das cha mer eifach ned en Ball nenne ehrlech gseid. Es esch e de Kantine gseh en Roy. De hends es paar Chips ufgstellt ond Musig abglo.

De hemmer eifach tanzed (wobi di meischte ned chönd tanze) onds loschtig gha. 

Ond ech ha mech ergendwie au verletzt. Mini Gaschtmuetter ond ech wössed vou ned was es esch. E de Chnübügi hani e rächte Schmärz ond wenni laufe knecki ab ond zue eifach i. Ganz dörestrecke chanis Bei au ned, wells weh tued. Etz hoffe mer das es besser werd ond söscht gömmer of Great Falls go abchecke was es chönnti si.  

Am s Bei chüele ond hoch lagere

Retro Day

4. Tag

Top Nochrecht vom Tag: Es hed tatsächlech gschneit ond es esch mega chaut worde.
Das seg normal en Montana das es so krass cha schwänke. Vom einte Tag ofem andere vo 80F zo 40F oder eso..

Ond för e Retro Tag Höt hani chönne es paar Chleider vo de mina erere Gaschtmuetter uslehne för de Retro Day. Ond so hed si mer mega super drü-farbigi Boots gä ond e härzige Rock.
Ech fendes so genial das sech eifach alli verchleided sogar d Lehrer!

Höt hemmer di beschte drü gseh wo e de Kanidatur stönd vo de Prinzässine Wahl. D Kym, Randi ond d Bodil stönd em Finale för d Wahl. Jäno ech be Wohl ned di geboreni Prenzässin.. ;)
Vellecht jo em nöchschte Läbe.
Aber ech freue mech för die andere denk met. Etz weissi zwar ned wenn i mis geniale Chleid sell alegge, aber do fendi schono e passendi Glägeheit.

Höt hani no mega gueti Gspröch met mim Gaschtmami gha. Ech be chli zo ere ghocket, hend öber alles mögleche gredt ond dezue chli metem Hond gspelt. Das esch mega schön gseh.

Ah jo genau de Match höt hemmer au no gwonne e drü Sätz! Bes etz hemmer no kes Speli verlore.
Ah ond by the Way Outlaws meint so öbbis wie en Robinhood.

Met mine zwee Süesse Mina ond Rayann

Das send doch mou rechtig stylischi Schueh hani rächt?

Neon Day

3.Tag
Geds gar ned z vell säge.
Ech denke mer gsed jo scho a de Belder das es eifach nome loschtig gseh esch ond super.
Ond jo ech ha mini Hoor pink agspreit!

Ond höt hemmer alli no e Zettu usgföllt womer för Homecoming Queen,King,Prince,Princess hend chönne vote ond das werd de usgwärtet ond am Samschtig verkönded. För das dömmer eus au schön alegge denne.

 Wörd klar säge das mer e sehr bonti Troppe send.

Sogar de Fred hed vou em Neon Trend gfolgt

Ugly Sweater Day

2.Tag
Ech wörd säge zemlech alli hend sech müeg gä en grusige Pulli azlegge. Ech ha fascht niemmer gse
wo e schöne agha hed. Sogar d Lehrer hend metgmacht. Euse MAthi Lehrer zom Bispel hed es vell z Ängs Pinks Jäggli agha. Als chönnt mer ehn de no ernscht nä?
Was ganz kuul gseh esch höt, dass mer ke Gschecht ond Biologie gha hend, well mer send go Heuballe bespraye met GO OUTLAWS före Homecoming. So semmer schön chli dosse gseh hend s Wätter nomou gnosse, das besprayt, hufe Fötelis gmacht ond of de Stross hemer au no eusi Näme ond s Abschlossjohr änegschrebe.
Jo die Woche esch eifach zemlech e lockeri Sach!

Fred and Paydon met erene schöne Pullene

Samu ganz e heisse metem pinke Pulli

Locker usrume vom Simon

No es paar Belder zo dem wonderbare Tag!

Junior Class

Bespreie vo de Heuballe

Chli omehöpfe of de Heuballe

GO OUTLAWS!!!